বিৰোধীৰ প্ৰতি কঠোৰ চৰকাৰ! সংসদীয় সমিতিত নাই তৃণমূল কংগ্ৰেছ, আপৰ কোনো অধ্যক্ষ

বিজেপি নেতৃত্বাধীন এনডিএ চৰকাৰৰ দিনতে হয়তো প্ৰথমবাৰৰ বাবে সংসদীয় সমিতিৰ পৰা বাদ পৰিল সংসদৰ দ্বিতীয় স্থানত থকা দলটো।

লক্ষ্যণীয়ভাবে এইবাৰ সংসদীয় সমিতিৰ নেতৃত্বৰ পৰা বাদ পৰিল তৃণমূল কংগ্ৰেছ, আম আদমী পাৰ্টি আদি দল। আনহাতে বিজেপিৰ প্ৰতি দয় বহু কেইটা দলে সাংসদৰ সংখ্যা কম থকাৰ পিছতো সংসদীয় সমিতিৰ অধ্যক্ষৰ পদ শুৱনি কৰিবলৈ সক্ষম হ’ল।

উল্লেখ্য ৩৬ জন সদস্যৰ সৈতে তৃণমূল কংগ্ৰেছ সংসদৰ দ্বিতীয় সৰ্ববৃহৎ বিৰোধী দল। মমতা বেনাৰ্জীৰ দলক সংসদৰ মুঠ ৫৬ খন সমিতিৰ ভিতৰৰে এটাৰো অধ্যক্ষৰ পদ দিয়া হোৱা নাই।ইয়াৰ আগতে ২৪ টা বিভিন্ন মন্ত্ৰালয়ৰ স্থায়ী সমিতি পুনৰ গঠন কৰা হৈছিল।

খাদ্য, ৰাজহুৱা বিতৰণ আৰু উপভোক্তা বিষয়ক সমিতিৰ পুৰণি অধ্যক্ষ টিএমচিৰ সুদীপ বন্দোপাধ্যায়ক অপসাৰণ কৰা হৈছিল। ৩৪ জন সাংসদ থকা ডিএমকেই তিনিখন সমিতিৰ অধ্যক্ষতা লাভ কৰে।

জগন মোহন ৰেড্ডীৰ ৱাইএছআৰ কংগ্ৰেছক দুটা পদ দিয়া হৈছে, টিআৰএছক এটা আৰু শিৱসেনাক এটা পদ প্ৰদান দিয়া হৈছে।