ভাৰতৰ নিৰ্বাচনী আয়োগে মেঘালয়ৰ আমপাতি সমষ্টিত চলিত বছৰৰ ২৮ মে’ত উপ নিৰ্বাচন অনুষ্ঠিত কৰা হ’ব বুলি ঘোষণা কৰিছে।
উল্লেখ্য যে ভূতপূৰ্ব মুখ্য মন্ত্ৰী তথা আমপাতি সমষ্টিৰ বিধায়ক মুকুল চাংমাই সমষ্টিটোৰ বিধায়ক পদৰ পৰা অব্যহতি লোৱাৰ পাছত এই আসনখন খালি হৈ আছিল। বৰ্তমান প্ৰাক্তন মুখ্য মন্ত্ৰীগৰাকী দশম মেঘালয় বিধানসভাৰ বিৰোধী দলৰ দলপতি।
ড০ মুকুল চাংমাই ১৯৯৩ চনৰ পৰা আমপাতি সমষ্টিৰ পৰা নিৰ্বাচিত হৈ অহাৰ পাছত চলিত বৰ্ষৰ ২৭ তাৰিখে অনুষ্ঠিত হোৱা মেঘালয় বিধানসভা সমষ্টিৰ নিৰ্বাচনত ছংছাক সমষ্টিৰ পৰা নিৰ্বাচিত হৈছিল। যিহেতু এজন বিধায়কে দুটা সমষ্টিক প্ৰতিনিধিত্ব কৰিব নোৱাৰে তেওঁ আমপাতি সমষ্টিটোৰ পৰা পদত্যাগ কৰাৰ সিদ্ধান্ত গ্ৰহণ কৰিছিল।
উপ নিৰ্বাচনৰ জাননী জাৰী কৰাৰ দিনা অৰ্থাৎ মে’ মাহৰ ৩ তাৰিখৰ পৰা মনোনয়নপত্ৰ দাখিলৰ প্ৰক্ৰিয়া আৰম্ভ হ’ব আৰু মনোনয়ন পত্ৰ দাখিলৰ অন্তিম তাৰিখ হ’ব মে’ মাহৰ ১০ তাৰিখ।
মে’ মাহৰ ১০ তাৰিকে মনোনয়নপত্ৰসমূহ পুনৰীক্ষণ কৰা হ’ব আৰু মনোনয়নপত্ৰ প্ৰত্যাহাৰৰ অন্তিম তাৰিখ ১৪ মে’।
