কাইলৈ ১৪ ফেব্ৰুৱাৰীত ভেলেন্টাইন ডে’ বা প্ৰেমৰ দিন। প্ৰেমিক-প্ৰেমিকাৰ বাবে এটা বহু অপেক্ষিত দিন। তাৰ পূৰ্বে আজি কিছ ডে বা চুম্বন দিৱস। প্ৰেমৰ সপ্তাহ আৰম্ভ হোৱাৰ পিছত এই কিছ ডে বা চুম্বন দিৱস হৈছে প্ৰেমৰ দিন উদযাপনৰ বাবে প্ৰস্তুত হোৱাৰ চৰম পৰ্ব! ঠিক যেন পূৰ্ণিমাৰ আগতে চতুৰ্দশী।
এটা চুম্বনে কেইবাটাও ৰোগ আঁতৰাই ৰাখিব পাৰে। চুম্বনৰ বহুতো গুণ আছে। আপুনি এই গুণ জানেনে?
১৩ ফেব্ৰুৱাৰী হৈছে প্ৰিয়জনক চুম্বন কৰাৰ দিন। ভেলেণ্টাইন দিৱসৰ প্ৰাকমুহূৰ্তত প্ৰিয়জনে এনেদৰে তেওঁলোকৰ প্ৰেম প্ৰকাশ কৰে। চুম্বনৰ একাধিক স্বাস্থ্যগুণো আছে। চুম্বনে কেইবাটাও ৰোগ আঁতৰাই ৰাখিব পাৰে।
চুম্বনৰ সময়ত মুখৰ ৩০ টা পেশী চলাচল কৰে। পেশীৰ চলাচলৰ ফলত মুখত ৰক্ত সঞ্চালন বৃদ্ধি হয়। ই ছালখন উজ্জ্বল কৰি তোলে। সৌন্দৰ্য বহুত বৃদ্ধি পায়।
চুম্বন কৰোঁতে, মন আৰু শৰীৰত উত্তেজনাৰ সৃষ্টি হয়। ই হৃদস্পন্দনৰ হাৰ বৃদ্ধি কৰে। শৰীৰত ৰক্ত সঞ্চালনো বৃদ্ধি হয়। ফলস্বৰূপে, হাৰ্ট এটেকৰ আশংকা হ্ৰাস পায়।
