দক্ষিণৰ মহাতাৰকা সামান্থা ৰুথ প্ৰভু আৰু নগা চৈতন্যৰ আছিল এক অভিন্ন প্ৰেমগাথা। এই তাৰকা দম্পতীয়ে প্ৰেমৰ পৰিণতিতে বিয়া হৈছিল। ২০১৭ চনত সম্পন্ন হৈছিল নগা চৈতন্য আৰু সামন্ত ৰুথ প্ৰভুৰ ৰাজকীয় বিবাহ। কিন্তু, চাৰি বছৰৰ ভিতৰতে বৈবাহিক জীৱনৰ অন্ত পেলায় তাৰকা দম্পতীয়ে। তথাপি বাৰে বাৰে পেজ থ্ৰীৰ বাতৰিত শিৰোণাম দখল কৰে সামান্থা আৰু নগা চৈতন্যৰ পুৰণি প্ৰেমৰ সম্পৰ্কৰ কাহিনীয়ে।
এই মুহূৰ্তত দক্ষিণৰ চলচ্চিত্ৰ উদ্যোগ তোলপাৰ শোৱিতা ধুলিপালাৰ আৰু সামান্থাৰ প্ৰাক্তন স্বামী নগা চৈতন্যৰ প্ৰেমৰ গুঞ্জনত। ছমাহৰ বিচ্ছেদৰ অন্তত পুনৰ নতুন সম্পৰ্কৰ বাতৰি। এইবাৰ নগা চৈতন্য আৰু শোৱিতা ধুলিপালাৰ ব্যক্তিগত জীৱনৰ বিষয়ে মুকলিকৈ ক’লে সামান্থা ৰুথ প্ৰভুৱে।
সৰ্ব ভাৰতীয় এক সংবাদ মাধ্যমৰ আগত মুখ খুলিছে দক্ষিণৰ সুন্দৰী সামান্থা ৰুথ প্ৰভুৰ। প্ৰাক্তনৰ সম্পৰ্কৰ বিষয়ে সোধাত তেওঁ কয়, “মই একেবাৰেই চিন্তিত নহয় যে কোনে কাৰ লগত সম্পৰ্কত আছে। যিসকল মানুহে প্ৰেমৰ অৰ্থই বুজি নাপায়। মানুহক কন্দুৱাই যোৱা মানুহবোৰেই আকৌ ডেটিং কৰে।”
নগাৰ ওপৰত একপ্ৰকাৰ ক্ষুব্ধ সামান্থাই কয়, “অন্ততঃ সেই ছোৱালীজনী সুখী হওক। যদি তেওঁ নিজৰ আচৰণ সলনি কৰে। কোনো ছোৱালীকে যদি কষ্ট নিদিয়ে তেন্তে সেয়া সকলোৰে বাবে ভাল।”
অহা ১৪ এপ্ৰিলত ৰূপালী পৰ্দাত মুক্তি পাব সামান্থাৰ নতুন ছবি শকুন্তলম। শেহতীয়াকৈ ছবিখনৰ প্ৰচাৰত ব্যস্ত হৈ পৰিছে অভিনেত্ৰীগৰাকী। একাধিক সংবাদ মাধ্যমৰ ম উখামুখি হৈছে অভিনেত্ৰীগৰাকী। ছবিখনৰ প্ৰচাৰৰ সময়তে সামান্থাই নিজৰ প্ৰাক্তনৰ নতুন সম্পৰ্কৰ বিষয়ে মুকলিকৈ কয়।
লণ্ডন ভ্ৰমণত শোৱিতা ধূলিপালাৰ সৈতে নগা চৈতন্যৰ ছবি ছ’চিয়েল মিডিয়াত ভাইৰেল হৈ পৰে।ইয়াৰ পিছত তেওঁলোকৰ বিবাহৰ উৰাবাতৰি বিয়পি পৰে। যদিও এই প্ৰসংগত তেওঁলোকৰ কোনোৱেই মুখ খোলা নাই। কিছুদিন পূৰ্বে দক্ষিণৰ সুন্দৰী সামান্থাই চিনেমাখনৰ প্ৰচাৰৰ সময়ত নিজৰ ব্যক্তিগত জীৱনৰ বিষয়ে মুকলিকৈ কৈছিল।
সৰ্বকালৰ হিট আৰু আন্তভা গীতত প্ৰদৰ্শন কৰাটোও বৰ সহজ নাছিল। পাৰিবাৰিক সম্পৰ্কক অৱজ্ঞা কৰি আইটেম ডান্সত সামান্থাই প্ৰদৰ্শন কৰে। দক্ষিণৰ লেডী ছুপাৰষ্টাৰ সামান্থাৰ খামুচিয়া কঁকাল দৰ্শকৰ হৃদয়ত জিলিকি উঠিল পুষ্পা দ্য ৰাইজৰ অ’ আন্তাভা গীতটোত। নগা চৈতন্যৰ সৈতে ব্ৰেকআপৰ কথা ঘোষণা কৰাৰ ঠিক আগতেই সামন্থাই অ’ আন্তভাৰ প্ৰস্তাৱ পাইছিল।
পৰিয়াল বা বন্ধু-বান্ধৱীয়েও বিচৰা নাছিল যে এনে পৰিস্থিতিত সামান্থাই আইটেম ডান্সত কঁকাল নচুৱাওক। কিন্তু, সামান্থাই স্পষ্ট কৰি দিছিল যে তেওঁ নিজৰ বিবাহিত জীৱন ৰক্ষাৰ বাবে ১০০ শতাংশ চেষ্টা কৰিছে। সেয়ে, কামৰ সৈতে তেওঁ কোনো আপোচ নকৰে।
