তিহাৰ কাৰাগাৰত পুনৰ কয়েদীৰ দলৰ মাজত সংঘৰ্ষ। এই সংঘৰ্ষত দিল্লীৰ ৰোহিনী আদালতৰ গুলীচালনা কাণ্ডৰ মূল অভিযুক্ত গেংষ্টাৰ টিল্লু তাজপুৰীয়াৰ নিহত হয়।
জানিব পৰা মতে, কাৰাগাৰখনৰ সংশোধন কেন্দ্ৰৰ ভিতৰতে বিৰোধী গোটে তেওঁক আক্ৰমণ কৰিছিল। তাৰ পৰা টিল্লুক উদ্ধাৰ কৰি চিকিৎসালয়লৈ লৈ যোৱা হয় যদিও চিকিৎসকে তেওঁক মৃত ঘোষণা কৰে।
লগতে পঢ়ক: পুত্ৰৰ পাছপ’ৰ্টৰ পৰা পিতৃৰ নাম আঁতৰোৱাৰ নিৰ্দেশ আদালতৰ; গোচৰত জিকিল ‘ছিংগল মাডাৰ’
সংঘৰ্ষত ৰোহিত নামৰ আন এজন কয়েদী আহত হয়। তেওঁৰ চিকিৎসা চলি আছে আৰু চিকিৎসালয়ৰ সূত্ৰৰ পৰা জানিব পৰা মতে তেওঁ বৰ্তমান সংকটমুক্ত বুলি কোৱা হৈছে।
স্বাভাৱিকতে মঙলবাৰে পুৱা সাত বজাত তিহাৰ কাৰাগাৰৰ এই ঘটনাত উদ্বেগ বৃদ্ধি পাইছে। আন কয়দীসকলৰ বাবে নিৰাপত্তা বৃদ্ধি কৰা হৈছে।
বাতৰি মতে, মঙলবাৰে পুৱা তিহাৰ কাৰাগাৰত কয়দীৰ মাজত সংঘৰ্ষৰ সৃষ্টি হয়। অভিযোগ অনুসৰি বিৰোধী দল যোগেন্দ্ৰ টুণ্ডাৰ লোকে মৃত সুনীল ওৰফে টিল্লু তাজপুৰীয়াক আক্ৰমণ কৰে। তাতেই সংঘৰ্ষৰ সৃষ্টি হয়।
লগতে পঢ়ক: পোহনীয়া কুকুৰে কামুৰিলে এইবাৰ ১০ হাজাৰ টকা জৰিমনা ভৰিব লাগিব গৰাকীয়ে! ক’ত জানেনে?
পুৱা প্ৰায় ৭ বজাত সুনীল আৰু ৰোহিতক উদ্ধাৰ কৰি অচেতন অৱস্থাত দিল্লীৰ দীন দয়াল উপাধ্যায় হাস্পতাললৈ লৈ যোৱা হয়। চিকিৎসকে সুনীলক মৃত ঘোষণা কৰে। ৰোহিত নামৰ আনজন আহত যুৱক চিকিৎসাধীন হৈ আছে।
