অহা ২৮ মে’ৰ দিনটো দেশবাসীৰ বাবে হ’ব এক সুকীয়া অনুভৱৰ দিন। এই দিনটোত প্ৰধানমন্ত্ৰী নৰেন্দ্ৰ মোদীয়ে নতুন সংসদ ভৱন উদ্বোধন কৰিব।দেশৰ নতুন সংসদ ভৱন জাতিৰ বাবে উৎসৰ্গা কৰা হ’ব।
দুপৰীয়া ১২ বজাত নতুন সংসদ ভৱন উদ্বোধন কৰা হ’ব। ইয়াৰ পূৰ্বে নিজে পুৱা ৭ বজাৰ পৰা আৰম্ভ হ’ব পূজা-অৰ্চনাৰ কাৰ্যসূচী। এই পৰ্বত উপস্থিত থাকিব প্ৰধানমন্ত্ৰী নৰেন্দ্ৰ মোডী আৰু লোকসভাৰ অধ্যক্ষ ওম বিৰলা, ৰাজ্যসভাৰ উপাধ্যক্ষকে ধৰি বহুকেইগৰাকী নেতা-মন্ত্ৰী।
ইয়াৰ পিছত পুৱা ৮.৩০ৰ পৰা ৯.০০ বজাৰ ভিতৰত লোকসভাৰ ভিতৰত ছেংগোল (ৰাজদণ্ড)স্থাপন কৰা হ’ব। পুৱা ৯.৩০ বজাত প্ৰাৰ্থনা সভা অনুষ্ঠিত হ’ব। এই প্ৰাৰ্থনা সভাত শংকৰাচাৰ্যকে ধৰি বহু পণ্ডিত আৰু সাধু-সন্ত উপস্থিত থাকিব। ইয়াৰ উপৰিও শিৱ আৰু আদি শংকৰাচাৰ্যৰ পূজা হোৱাৰো সম্ভাৱনা আছে।
নতুন সংসদ ভৱন উদ্বোধনৰ সম্পূৰ্ণ সময়সূচী চাওক-
- পুৱা ৭.৩০ বজাৰ পৰা ৮.৩০ বজালৈ পূজা-অৰ্চনা অনুষ্ঠিত হ’ব। এই সময়ত প্ৰধানমন্ত্ৰী মোডী, লোকসভাৰ অধ্যক্ষ ওম বিৰলা, ৰাজ্যসভাৰ উপাধ্যক্ষকে ধৰি বহুকেইগৰাকী নেতা-মন্ত্ৰী উপস্থিত থাকিব।
- পুৱা ৮.৩০ৰ পৰা ৯ বজাৰ ভিতৰত আইনী ৰীতি-নীতিৰে লোকসভাৰ ভিতৰত চেংগোল (ৰাজদণ্ড)স্থাপন কৰা হ’ব। ইয়াৰ বাবে তামিলনাডুৰ মঠৰ ২০ গৰাকী স্বামী উপস্থিত থাকিব।
- পুৱা ৯ বজাৰ পৰা ৯.৩০ বজালৈ প্ৰাৰ্থনা সভা অনুষ্ঠিত হ’ব। ইয়াত শংকৰাচাৰ্যকে ধৰি বহু পণ্ডিত আৰু সাধু-সন্ত উপস্থিত থাকিব।
- দ্বিতীয় পৰ্যায় দুপৰীয়া ১২ বজাৰ পিছত আৰম্ভ হ’ব। ইয়াৰ আৰম্ভণি হ’ব জাতীয় সংগীতেৰে, য’ত দুখন চুটি ছবি প্ৰদৰ্শন কৰা হ’ব। ইয়াৰ পাছতে উপ-ৰাষ্ট্ৰপতি আৰু ৰাষ্ট্ৰপতিৰ বাৰ্তা পাঠ কৰিব ৰাজ্যসভাৰ উপাধ্যক্ষ হৰিবংশে।
- ৰাজ্যসভাতো বিৰোধী নেতাই ভাষণ দিব।
- লোকসভাৰ অধ্যক্ষইও ভাষণ দিব।
- ইয়াৰ পিছত মুদ্ৰা আৰু ডাকটিকট মুকলি কৰা হ’ব।এই ঐতিহাসিক দিনটোৰ উপলক্ষে প্ৰধানমন্ত্ৰী মোদীয়ে এটা মুদ্ৰা আৰু ডাকটিকট মুকলি কৰিব আৰু এই উপলক্ষে ভাষণো আগবঢ়াব যাৰ পিছত অনুষ্ঠানৰ সামৰণি উপলক্ষে লোকসভাৰ সচিব প্ৰধানে শলাগৰ শৰাই আগবঢ়াব।
- সংসদ ভৱনৰ মুখ্য স্থপতি বিমল পেটেল, উদ্যোগপতি ৰতন টাটাৰ লগতে চলচ্চিত্ৰ তাৰকা আৰু ক্ৰীড়া ব্যক্তিসকলক এই অনুষ্ঠানলৈ আমন্ত্ৰণ জনোৱা হৈছে।
- মুঠ ২৫টা ৰাজনৈতিক দলে এই অনুষ্ঠানত উপস্থিত থকাৰ কথা নিশ্চিত কৰিছে। এআইএডিএমকে, আপনা দল, ৰিপাব্লিকান পাৰ্টি অৱ ইণ্ডিয়া, শিৱসেনাৰ সিন্দে ফৈদ, এনপিপি, এনপিএফ আদিকে ধৰি এনডিএৰ অন্তৰ্ভুক্ত কেইটামান দলৰ ভিতৰত অন্যতম।
- বিয়লি ২.৩০ বজাত কাৰ্যসূচীৰ অন্ত পৰিব।
