মন্ত্ৰীপুখৰীস্থিত অসম ৰাইফলছ ইউনিটে মণিপুৰত চলি থকা সংঘাতত ইন্ধন যোগোৱা বুলি অভিযোগ উত্থাপন কৰি স্তম্ভ লিখনি প্ৰকাশ কৰাৰ বাবে ইম্ফলৰ ৰাজনীতিবিদ তথা খিলঞ্জীয়া মৰ্চাৰ উপদেষ্টা মেইটেই নেতা জগত থৌদামৰ বিৰুদ্ধে দেশদ্ৰোহৰ অভিযোগত অপৰাধমূলক গোচৰ ৰুজু হোৱা বুলি জানিব পৰা গৈছে।
দ্য হিন্দুৰ এক প্ৰতিবেদন অনুসৰি যোৱা ৩১ মে’ত দ্য ফ্ৰন্টিয়াৰ মণিপুৰ কাকত আৰু বিভিন্ন নিউজ পৰ্টেলত প্ৰকাশিত এটা স্তম্ভত ম্যানমাৰত ভিত্তি থকা “কুকি সন্ত্ৰাসবাদী সংগঠন”ক অসম ৰাইফলছে সুৰক্ষা প্ৰদান কৰা বুলি অভিযোগ উত্থাপন কৰিছিল।
লগতে পঢ়ক: সম্ভৱ! ১২ বছৰীয়া বিস্ময় বালকৰ চমক; ডাবল হেট্ৰিক, এটা অভাৰত ৬টা উইকেট
ইম্ফল পশ্চিম আৰক্ষী থানাই দেশদ্ৰোহ আৰু বিভিন্ন গোটৰ মাজত শত্ৰুতা জগাই তোলাৰ সৈতে সম্পৰ্কিত ভাৰতীয় দণ্ডবিধিৰ ১২৪ এ আৰু ১৫৩ এ ধাৰাত থৌডামৰ বিৰুদ্ধে ১২জুনত এফআইআৰ পঞ্জীয়ন কৰিছিল।
মন্ত্ৰীপুখৰীৰ অসম ৰাইফলছ (দক্ষিণ)ৰ মুখ্য কাৰ্যালয়ৰ মহাপৰিদৰ্শকে এই এজাহাৰ দাখিল কৰে।
যোৱা ৩ মে’ত মণিপুৰত সংঘটিত হোৱা জনগোষ্ঠীয় হিংসাৰ পৰিপ্ৰেক্ষিতত কেইবাটাও মেইটেই গোটে কেন্দ্ৰ আৰু মণিপুৰ চৰকাৰৰ অভিযান স্থগিত ৰখা কুকি বিদ্ৰোহী গোটক সহায় কৰা বুলি দেশৰ আটাইতকৈ পুৰণি অৰ্ধসামৰিক বাহিনী আছাম ৰাইফলছৰ বিৰুদ্ধে অভিযোগ উত্থাপন কৰিছে।
লগতে পঢ়ক: ধাৰাসাৰ বৰষুণত উত্তৰ ছিকিমৰ পথত খহনীয়া, বিচ্ছিন্ন যোগাযোগ; আৱদ্ধ প্ৰায় ২হাজাৰ পৰ্যটক
“ভুৱা বাতৰি”ৰ প্ৰসাৰ প্ৰতিহত কৰিবলৈ ছ’চিয়েল মিডিয়া আৰু বাতৰিৰ প্ৰবন্ধত বিভ্ৰান্তিকৰ বিষয়বস্তু চিনাক্ত আৰু ৰোধ কৰিবলৈ এটা বিশেষ দল নিয়োগ কৰা হৈছে। ৩ মে’ৰ পৰা মণিপুৰত ইণ্টাৰনেটৰ ব্যৱহাৰ বন্ধ হৈ আছে।
বৰ্তমান মণিপুৰত আছাম ৰাইফলছৰ ৯৭টা কলাম নিয়োজিত হৈ আছে, মেইটেই প্ৰধান এলেকাত ৪৮টা কলাম আৰু কুকি প্ৰধান এলেকাত ৪৯টা কলাম নিয়োজিত হৈ আছে।
প্ৰাৰম্ভিক হিংসাৰ সময়ত ১৫,৯১০ জনতকৈ অধিক গৃহহীন ব্যক্তিয়ে আছাম ৰাইফলছৰ শিবিৰত আশ্ৰয় লয়। ইয়াৰে প্ৰায় ৫৮% মেইটেই সম্প্ৰদায়ৰ।
লগতে পঢ়ক: সীতাৰ জন্মস্থানক লৈ আপত্তি, ‘আদিপুৰুষ’ নিষিদ্ধ কৰাৰ দাবী; প্ৰদৰ্শনী বাতিল নেপালত
চলি থকা জনগোষ্ঠীয় সংঘৰ্ষ সন্দৰ্ভত ভুল তথ্য প্ৰচাৰৰ প্ৰতি দৃষ্টি ৰাখি মণিপুৰ চৰকাৰে যোৱা ৩০ মে’ত এক নিৰ্দেশ জাৰি কৰি ভুৱা তথ্য প্ৰচাৰ কৰাসকলে দেশদ্ৰোহৰ অভিযোগৰ সন্মুখীন হ’ব বুলি সকীয়াই দিছিল।
