কেৱল সংলাপ সলনি কৰিলেই নহ’ব৷ বৰঞ্চ বিজেপিৰ মুখ্যমন্ত্ৰীসকলেও দৰ্শকৰ অন্তৰত আঘাত দিয়াৰ বাবে ক্ষমা খুজিব লাগে। আদিপুৰুষ বিতৰ্কত নতুন দাবী উত্থাপন কৰিছে শিৱসেনা উদ্ধৱ থাকৰে গোটৰ সাংসদ প্ৰিয়ংকা চতুৰ্বেদীয়ে। উল্লেখ্য যে বিতৰ্কৰ মাজতে আদিপুৰুষৰ নিৰ্মাতাসকলে সংলাপ সলনি কৰাৰ সিদ্ধান্ত লৈছে।
মুক্তিৰ পাছৰে পৰা আদিপুৰুষ ছবিখনে বিতৰ্কৰ শিৰোনাম দখল কৰি আহিছে। ৰামায়ণৰ কাহিনীৰ আধাৰত নিৰ্মিত ছবিখনৰ চৰিত্ৰসমূহৰ মুখত কম ৰুচিৰ সংলাপ শুনি দৰ্শক বিৰক্ত হৈ পৰে।
এই বিতৰ্কিত ছবিখনৰ সৈতে বিজেপিৰ শীৰ্ষ নেতৃত্বও প্ৰত্যক্ষভাৱে জড়িত। আৰম্ভণিতে দেখা গৈছে ছবিখনক বিজেপি শাসিত কেইবাখনো ৰাজ্যৰ মুখ্যমন্ত্রীয়ে আশীর্বাদ দিছে৷ ইয়াৰ পিছতে টুইটাৰত সৰৱ হৈ পৰিছে শিৱসেনাৰ সাংসদ।
আদিপুৰুষ ছবিখনৰ আৰম্ভণিতে আঠজন মন্ত্ৰীক বিশেষ ধন্যবাদ জনোৱা হৈছে। ইয়াৰ ভিতৰত আছে উত্তৰ প্ৰদেশৰ মুখ্যমন্ত্ৰী যোগী আদিত্যনাথ, মধ্যপ্ৰদেশৰ মুখ্যমন্ত্ৰী শিৱৰাজ সিং চৌহান, মহাৰাষ্ট্ৰৰ মুখ্যমন্ত্ৰী একনাথ শিণ্ডে, হাৰিয়ানাৰ মুখ্যমন্ত্ৰী মনোহৰ লাল, অসমৰ মুখ্যমন্ত্ৰী হিমন্ত বিশ্ব শৰ্মা, উত্তৰাখণ্ডৰ মুখ্যমন্ত্ৰী পুষ্কৰ সিং ধামী। লগতে মহাৰাষ্ট্ৰৰ উপ-মুখ্যমন্ত্ৰী দেৱেন্দ্ৰ ফডনৱীছ আৰু মধ্যপ্ৰদেশৰ গৃহমন্ত্ৰী নৰোত্তম মিশ্ৰেও আদিপুৰুষ ছবিৰ সফলতাৰ বাবে আশীৰ্বাদ দিছে।
Just changing dialogues and rereleasing in the hope of making money is not enough. The writer, the director, the spineless censor board that passed such objectionable dialogues and the opportunist BJP CMs and BJP supported unconstitutional CM for blessing the movie— they all need… https://t.co/G3HXly0wP1
— Priyanka Chaturvedi🇮🇳 (@priyankac19) June 18, 2023
সংলাপ সলনি কৰাৰ সিদ্ধান্ত ৰাজহুৱা হোৱাৰ পিছতে ক্ষোভ প্ৰকাশ কৰে শিৱসেনাৰ সাংসদগৰাকীয়ে।
All of them owe the nation an apology for their blessings to a movie that has desecrated our revered gods. Shame on them: pic.twitter.com/DF3CGUcGxV
— Priyanka Chaturvedi🇮🇳 (@priyankac19) June 17, 2023
তেওঁ টুইট কৰি কয় যে অধিক ধন ঘটাৰ আশাত সংলাপ সলনি কৰিলেই যথেষ্ট নহয়। ছবিখনৰ নিৰ্মাতাৰ পৰা আৰম্ভ কৰি চেঞ্চৰ ব’ৰ্ডলৈকে সকলোৱে ক্ষমা খুজিব লাগে। লগতে ছবিখনক আশীৰ্বাদ দিয়া বিজেপিৰ সকলো মুখ্যমন্ত্ৰীয়েও ক্ষমা খুজিব লাগে। কাৰণ তেওঁলোকে ঈশ্বৰক ৰাস্তাত নমাই অনাৰ দৰে আচৰণ কৰিছে।”
