মণিপুৰৰ দুগৰাকী মহিলাক উলংগ কৰি ৰাজপথত খোজ কঢ়োৱাৰ ঘটনাই সমগ্ৰ দেশক জোকাৰি গৈছে। এইবাৰ আন এক অনুৰূপ ঘটনা পোহৰলৈ আহিছে। যোৱা ৪ মে’ত ৰাজ্যৰ ৰাজধানী ইম্ফলত একেদিনাই আৰু দুগৰাকী মহিলাক দলবদ্ধ ধৰ্ষণ কৰি হত্যা কৰাৰ অভিযোগ উত্থাপন হৈছে।
ৰাষ্ট্ৰীয় সংবাদ মাধ্যমৰ এক সূত্ৰই প্ৰকাশ কৰা মতে দুয়োটা ঘটনা একেদিনাই এঘণ্টাৰ অগা-পিছাকৈ সংঘটিত হৈছিল। কেৱল এয়াই নহয়, দুয়োটা গোচৰতে দাখিল কৰা এফ আই আৰ অনুসৰি, ভুক্তভোগী আটাইকেইজন কুকি সম্প্ৰদায়ৰ আৰু দোষী মূলতঃ মেইটে সম্প্ৰদায়ৰ।
লগতে পঢ়ক: মণিপুৰ জ্বলিছে, দুমাহ ধৰি তোমালোকৰ কোনো খবৰ নাই! বলিউডৰ চেলিব্ৰিটিসকলক এজাউৰি লিন লাইশ্ৰমৰ
কিন্তু বুধবাৰে প্ৰথম ঘটনাৰ ৩০ ছেকেণ্ডৰ ভিডিঅ’ ভাইৰেল হোৱাৰ পিছতহে মূল অভিযুক্তক গ্ৰেপ্তাৰ কৰা হ’ল যদিও ইম্ফল কাণ্ডত এতিয়ালৈকে কোনো লোকক গ্ৰেপ্তাৰ কৰা হোৱা নাই।
ইম্ফলত ধৰ্ষণ কৰি হত্যা কৰা মহিলা দুগৰাকী সম্পৰ্কত দুই ভগ্নী। দুয়োজনে চহৰৰ এটা কাৰ ৱাছ চেণ্টাৰত কেয়াৰটেকাৰ হিচাপে কাম কৰিছিল।
মৃতকৰ পিতৃয়ে দাখিল কৰা এফ আই আৰ অনুসৰি ঘটনাৰ দিনটোত একাংশ মহিলা-পুৰুষে তেওঁলোকৰ ভাড়াঘৰত জোৰকৈ সোমাই আহে আৰু তেওঁৰ দুই সন্তানক হত্যা কৰাৰ পূৰ্বে ধৰ্ষণ কৰে।
লগতে পঢ়ক: ভিজিলেঞ্চৰ জালত দুই লুণ্ঠনকাৰী বিষয়া; অভিযানত উদ্ধাৰ টকাৰ পাহাৰ, চলি আছে সম্পত্তিৰ হিচাপ
অৱশ্যে আৰক্ষীৰ সৈতে মৰ্গলৈ যোৱাৰ পিছতহে তেওঁৰ দুগৰাকী কন্যাক ধৰ্ষণ কৰাৰ কথা গম পোৱা বুলি দাবী কৰে। কিন্তু ইমান দিনৰ পাছতো এতিয়ালৈকে কাকো গ্ৰেপ্তাৰ হোৱা নাই।
