দেওবাৰে লোকসভাৰ অধ্যক্ষ ওম বিৰলাই উদ্বোধন কৰে দিছপুৰস্থিত অসম বিধানসভাৰ নতুন ভৱনটো।
এই উদ্বোধনী অনুষ্ঠানত উপস্থিত থাকে বিধানসভাৰ অধ্যক্ষ বিশ্বজিত দৈমাৰী, অসমৰ মুখ্যমন্ত্ৰী হিমন্তবিশ্ব শৰ্মাৰ লগতে কেন্দ্ৰীয় মন্ত্ৰী সৰ্বানন্দ সোণোৱাল।
উল্লেখ্য যে, ৫০ বছৰৰ পাছত অসমে নিজাকৈ এটা বিধানসভা ভৱন লাভ কৰিছে। অসমৰ ৰাজধানী শ্বিলঙৰ পৰা গুৱাহাটীলৈ স্থানান্তৰিত হোৱা পিছত ১৯৭২ চনৰ পৰা জনতা ভৱনতে চলিছিল বিধানসভাৰ কাম-কাজ।
প্ৰাক্তন মুখ্যমন্ত্ৰী সৰ্বানন্দ সোণোৱালৰ দিনতে ২০২১ চনত এবাৰ উন্মোচন হৈছিল বিধানসভাৰ নতুন ভৱনটো।
প্ৰয়াত তৰুণ গগৈৰ দিনত ২০০৯ চনতে আৰম্ভ হৈছিল নতুন বিধানসভা ভৱনৰ নিৰ্মাণৰ কাম-কাজ।
প্ৰথম অৱস্থাত ভৱনটো নিৰ্মাণৰ ব্যয় আছিল ২৩৪ কোটি টকা! পাছলৈ এই ব্যয় বদ্ধি পাই হ’লগৈ ৩৫১ কোটি টকা!
উল্লেখ্য যে বিধানসভাৰ নতুন ভৱনটো বৃন্দাবনী বস্ত্ৰৰ আৰ্হিৰে নিৰ্মাণ কৰা হৈছে।
জানিব পৰা মতে, আগন্তুক অধিৱেশনৰ কাম-কাজবোৰ নতুন বিধানসভা ভৱনতে অনুষ্ঠিত হ’ব!
ভৱিষ্যতৰ দিশৰ প্ৰতি চিন্তা কৰি ১৮৬ গৰাকী বিধায়ক বহিব পৰাকৈ আসন সনিবিষ্ট আছে নতুন ভৱনটোত!
