ভক্তিতকৈ যেন উদ্ভণ্ডালি হে বেছি হৈছে ‘বল বম’ যাত্ৰাত। পবিত্ৰ শাওন মাহত শিৱ পূজাৰ বাবে পানী আনিবলৈ যাত্ৰা কৰা একাংশ ভক্তৰূপী উদণ্ড যুৱক-যুৱতীৰ উৎপাতত অসমৰ বিভিন্ন ঠাইৰ বাসিন্দা সকলে আতিশৰ্য ভুগিবলগা হৈছে।
সুৰাৰ ৰাগি, ভাঙৰ নিচা, ভক্তৰ অবাইছ মাত, লাউড স্পীকাৰত বজোৱা হিন্দী ইংৰাজী গান আদিয়ে শাওন মাহৰ পবিত্ৰতা তথা মহাদেৱৰ পূজাত কালিমা সনাৰ অভিযোগ উত্থাপন হৈছে।
দেওবাৰে নিশা গুৱাহাটীত সংঘটিত হয় এক মৰ্মান্তিক পথ দুৰ্ঘটনা। দিছপুৰৰ নতুন এছেম্বলি বিল্ডিঙৰ সমীপত নিয়ন্ত্ৰণ হেৰুৱাই বাগৰি পৰে বলবমৰ যাত্ৰী কঢ়িয়াই বাহনখন। এই দুৰ্ঘটনাৰ ফলত বাহনখনত থকা যাত্ৰীসকল আঘাতপ্ৰাপ্ত হয়।
প্ৰাথমিক খবৰ অনুসৰি চালকজনে মদ্যপান কৰি গাড়ী চলাইছে বুলি স্থানীয় ৰাইজে অভিযোগ কৰিছে।
বিশেষকৈ সমাৱেশ আৰু উৎসৱৰ সময়ত পথ সুৰক্ষা ব্যৱস্থা আৰু দায়িত্বশীলভাবে গাড়ী চলোৱাৰ প্ৰয়োজনীয়তাৰ ওপৰত এই কাণ্ডই গুৰুত্ব আৰোপ কৰিছে। দুৰ্ঘটনাটোৰ পৰিস্থিতিৰ বিষয়ে কৰ্তৃপক্ষই তদন্ত কৰি আছে।
আনহাতে, নগাঁৱতো দেওবাৰে বলবমৰ যাত্ৰী কঢ়িয়াই অনা এখন বাহন দুৰ্ঘটনাগ্ৰস্ত হয়।
প্ৰাথমিক খবৰ অনুসৰি অসমৰ নগাঁও জিলাৰ কঠিয়াতলী চহৰত বল বমৰ ভক্ত কঢ়িয়াই অনা এখন বাহনে আন এখন বাহনত খুন্দা মাৰে।
লাভ কৰা তথ্য অনুসৰি দুৰ্ঘটনা সংঘটিত হোৱাৰ সময়ত দুৰ্ঘটনা সংঘটিত হোৱা বাহনখন নগাঁৱৰ জুৰীয়া তহচিলৰ সুতিৰপাৰ গাঁৱৰ পৰা ৰেং বেং অভিমুখে গৈ আছিল।
খবৰ অনুসৰি, এই দুৰ্ঘটনাটোত ১৮ জন লোক আঘাতপ্ৰাপ্ত হয়। ১৮ জনৰ ভিতৰত দুজনৰ অৱস্থা গুৰুতৰ আৰু তাৎক্ষণিক চিকিৎসাৰ বাবে প্ৰেৰণ কৰা হৈছে। ইফালে, দুৰ্ঘটনা সংঘটিত কৰা বাহনখনৰ চালকজন ঘটনাস্থলীৰ পৰা পলায়ন কৰে।
লগতে পঢ়কঃ ৰে’লৰ এ চি ডবাত হঠাৎ অসুস্থ ইজনৰ পিছত সিজন যাত্ৰী, মৃত্যু ২ জনৰ! ৰহস্য মৃত্যুক লৈ চাঞ্চল্য
