ভাৰতক পৰাস্ত কৰিব পাৰিলেই যাব ডেটিঙত! বাংলাদেশী ক্ৰিকেটাৰলৈ লোভনীয় প্ৰস্তাৱ পাকিস্তানী সুন্দৰীৰ

পাকিস্তানে নোৱাৰিলে। ভাৰতৰ মাটিত বিশ্বকাপত ভাৰতক পৰাস্ত কৰি ইতিহাস সলনি কৰিব নোৱাৰিলে। আহমেদাবাদত এক লাখ দৰ্শকৰ সন্মুখত ভাৰতৰ ওচৰত অসহায় হৈ আত্মসমৰ্পণ কৰে শ্বাহীন আফ্ৰিদী, বাবৰ আজমহঁতে। পাক দলে কোনো যুঁজ আগবঢ়াব নোৱাৰিলে। সেয়ে, পাকিস্তানী মডেল অভিনেত্ৰী শ্বেহৰ শ্বিনৱাৰীয়ে ভাৰতক পৰাস্ত কৰিবলৈ বাংলাদেশৰ ওপৰতে নিৰ্ভৰ কৰিছে।

বৃহস্পতিবাৰে বাংলাদেশৰ বিৰুদ্ধে খেলিব ভাৰতে। পুনেৰ মহাৰাষ্ট্ৰ ক্ৰিকেট সংস্থাৰ খেলপথাৰত হ’বলগীয়া সেই মেচত বাংলাদেশৰ হৈ বাজি মাৰিব পাক মডেল সুন্দৰী শ্বেহৰ শ্বিনৱাৰীয়ে।

এই মহাৰণৰ আগতে তেওঁ বাংলাদেশ দলক এটা লোভনীয় অফাৰ দিছে। তেওঁ কয়, যদি বাংলাদেশে ভাৰতক পৰাস্ত কৰিব পাৰে, তেন্তে তেওঁ বাংলাদেশী ক্ৰিকেটাৰৰ লগত ডেটত যাব।

পাক সুন্দৰীয়ে এক্স যোগে লিখিছে, ‘ইনশ্বাল্লাহ মোৰ বাঙালী বন্দুৰা (বন্ধু)য়ে পৰৱৰ্তী মেচত আমাৰ পৰাজয়ৰ প্ৰতিশোধ ল’ব। বাংলাদেশে যদি ভাৰতক পৰাস্ত কৰিব পাৰে তেন্তে মই ঢাকালৈ গৈ এজন বাঙালী ডেকাৰ লগত মাছৰ ডিনাৰ-ডেটত যাম।”

পাক মডেল সুন্দৰীৰ ছ’চিয়েল মিডিয়াত উপস্থিতি চকুত লগা। কেৱল ইনষ্টাগ্ৰামতে নহয়, ইউটিউবতো তেওঁৰ অনুগামীৰ সংখ্যা ইৰ্ষণীয়। তেওঁ সদায় চৰ্চাত থাকি ভাল পায়। কিছু সপ্তাহ পূৰ্বে এছিয়া কাপত কলম্বোত ভাৰতৰ হাতত পাকিস্তান পৰাস্ত হোৱাৰ পিছত বাবৰ আজমহঁতক তীব্ৰ সমালোচনা কৰা হৈছিল। হতাশ হৈ শ্বেহৰ শ্বিনৱাৰীয়ে পাকিস্তানৰ থানাত পাক দলৰ বিৰুদ্ধে এফআইআৰ দাখিল কৰাৰো ভাবুকিও দিছিল।

তেওঁ নিজকে সমাজকৰ্মী বুলি ক’বলৈ ভাল পায়। ভাৰতীয় ৰাজনৈতিক নেতাৰ মাজত ৰাহুল গান্ধীক তেওঁৰ ভাল লাগে। নৰেন্দ্ৰ মোদীৰ তেওঁ তীব্ৰ সমালোচক। মুকলিকৈ পেলেষ্টাইন, কাশ্মীৰৰ ওপৰত ‘অত্যাচাৰ’ৰ প্ৰতিবাদত ছ’চিয়েল মিডিয়াত একাধিকবাৰ পোষ্ট কৰিছে।

কিন্তু ক্ৰিকেট বিশ্বকাপৰ সময়ত তেওঁ নৈশ আহাৰ গ্ৰহণৰ প্ৰস্তাৱ দি নতুনকৈ চৰ্চালৈ আহিছে। শেহতীয়াকৈ ক্ৰিকেট খেলপথাৰত ভাৰতৰ বিৰুদ্ধে বাংলাদেশে যথেষ্ট সফলতা লাভ কৰিছে। যোৱা চাৰিখন মেচত তিনিবাৰকৈ জয়লাভ কৰিছে। এছিয়া কাপত ভাৰতক কোনো দলে পৰাস্ত কৰিব নোৱাৰিলেও বাংলাদেশে ভাৰতক পৰাস্ত কৰে।

InshAllah my Bangali Bandu will avenge us in the next match. I will go to dhaka and have a fish dinner date with Bangali boy if their team managed to beat India ✌️❤️ 🇧🇩

— Sehar Shinwari (@SeharShinwari) October 15, 2023

কিন্তু শেহতীয়া ফলাফল যিয়েই নহওক কিয়, ভাৰত বৰ্তমান আগ্ৰাসী ৰূপত আছে। বিশ্বকাপৰ প্ৰথম তিনিখন খেলত ভাৰতে একপক্ষীয়ভাৱে অষ্ট্ৰেলিয়া, আফগানিস্তান আৰু পাকিস্তানক পৰাস্ত কৰিছে। আনহাতে, আফগানিস্তানক পৰাস্ত কৰাৰ পাছতো বাংলাদেশে ইংলেণ্ড আৰু নিউজিলেণ্ডৰ বিৰুদ্ধে একেৰাহে দুখন খেলত পৰাস্ত হয়।

বাংলাদেশী ক্ৰিকেটাৰসকলে ভাৰতৰ বিৰুদ্ধে অসম্ভৱ জয় সাৱ্যস্ত কৰি শ্বিনৱাৰীৰ সৈতে ডিনাৰ-ডেটলৈ যাব নে নাই সেয়া অৱশ্যে সময়েহে ক’ব।