ভাৰতৰ অনুৰোধ কাটাৰে মানি ল’লে। ২৬ অক্টোবৰত ভাৰতীয় নৌসেনাৰ প্ৰাক্তন ৮জন বিষয়াক কাটাৰৰ প্ৰথম পৰ্যায়ৰ আদালতে মৃত্যুদণ্ডৰ শাস্তি প্ৰদান কৰিছিল। ভাৰত চৰকাৰে এই নিৰ্দেশৰ বিৰুদ্ধে আৱেদন কৰিব বুলি জানিবলৈ দিছিল। বৃহস্পতিবাৰে কাটাৰৰ আদালতে ভাৰত চৰকাৰৰ আবেদন গ্ৰহণ কৰিছে। ফলত অভিযুক্ত ৮ জন প্ৰাক্তন নৌসেনাৰ বিষয়াৰ মৃত্যুদণ্ড এতিয়াই কাৰ্যকৰী নহয়। এই গোচৰৰ ৰায় ঘোষণা কৰাৰ পূৰ্বে কাটাৰৰ আদালতে ভাৰতৰ আবেদন বিবেচনা কৰিব। এই গোচৰৰ পৰৱৰ্তী শুনানি শীঘ্ৰে অনুষ্ঠিত হ’ব বুলি জানিব পৰা গৈছে।
যোৱা বৃহস্পতিবাৰে বৈদেশিক পৰিক্ৰমা মন্ত্ৰালয়ৰ মুখপাত্ৰ অৰিন্দম বাগচিয়ে কৈছিল যে ভাৰত চৰকাৰে প্ৰাক্তন নৌসেনাৰ আঠজন বিষয়াৰ পৰিয়ালৰ সৈতে যোগাযোগত আছে। তেওঁ লগতে জনাইছিল যে ভাৰত চৰকাৰে সেই বিষয়াসকলৰ মৃত্যুদণ্ড বাতিল কৰিবলৈ কাটাৰক আবেদন জনাইছে।
লগতে পঢ়কঃ হোটেললৈ মাতি আনি উদ্দাম যৌনতা ৰক ষ্টাৰৰ! ধৰ্ষণৰ অভিযোগ তাৰকা মডেলৰ
সূত্ৰ অনুসৰি কাটাৰৰ আদালতে সেই আবেদন কেইদিনমান পিছত মানি লৈছে। বৃহস্পতিবাৰে এই গোচৰৰ প্ৰথম শুনানি অনুষ্ঠিত হৈছিল। শুনানিৰ সময়ত আদালতে আনুষ্ঠানিকভাৱে আবেদনৰ নথি গ্ৰহণ কৰে। ভাৰত চৰকাৰৰ তত্বাৱধানত নৌসেনাৰ প্ৰাক্তন বিষয়াসকলে নিযুক্তি দিয়া এগৰাকী অধিবক্তাই এই আবেদনৰ নথি প্ৰস্তুত কৰিছিল।
এই আঠজন প্ৰাক্তন নৌসেনাৰ বিষয়াই ‘দহৰা গ্ল’বেল টেকন’লজিছ এণ্ড কনছালটেন্সি চাৰ্ভিচেছ’ নামৰ কাটাৰৰ এটা কোম্পানীত কাম কৰি আছিল। এই সংস্থাৰ বাবে তেওঁলোকে মূলতঃ কাটাৰ সেনাৰ সদস্যসকলক সামৰিক প্ৰশিক্ষণ প্ৰদান কৰিছিল। ২০২২ চনৰ আগষ্ট মাহত তেওঁলোকক গ্ৰেপ্তাৰ কৰা হৈছিল। তেতিয়াৰ পৰাই তেওঁলোক কাটাৰৰ কাৰাগাৰত বন্দী হৈ আছে।
ভাৰতীয় উচ্চায়ুক্তগৰাকীয়ে মৃত্যুদণ্ডৰ ৰায় দিয়াৰ পৰ্বে আৰু পিছত কাৰাবন্দী প্ৰাক্তন নৌসেনাৰ বিষয়াসকলক কনছুলাৰৰ প্ৰৱেশৰ সুবিধা লৈ দুবাৰকৈ সাক্ষাৎ কৰে। কাটাৰ কৰ্তৃপক্ষই তেওঁলোকক কি অভিযোগত গ্ৰেপ্তাৰ কৰা হৈছিল আৰু পিছত মৃত্যুদণ্ড দিয়া হৈছিল সেই বিষয়ে সঠিকভাৱে কোৱা নাই। আনকি ভাৰতৰ বৈদেশিক পৰিক্ৰমা মন্ত্ৰালয়েও এই বিষয়ে একো নাজানে বুলি কৈছে।
লগতে পঢ়কঃ ৰাজস্থানৰ মুখ্যমন্ত্ৰী অশোক গেহলটৰ ভুৱা ভিডিঅ’ শ্বেয়াৰ অসমৰ মুখ্যমন্ত্ৰী হিমন্ত বিশ্ব শৰ্মাৰ
অৱশ্যে সূত্ৰ অনুসৰি তেওঁলোকৰ বিৰুদ্ধে ইজৰাইলৰ হৈ কাটাৰৰ সেনা বাহিনীত চোৰাংচোৱাগিৰি কৰাৰ অভিযোগ উত্থাপন হৈছে। দহৰা গ্ল’বেলৰ স্বত্বাধিকাৰীকো একে অভিযোগত গ্ৰেপ্তাৰ কৰা হৈছে।
