মঙলবাৰে আৰক্ষীয়ে জানিবলৈ দিয়া মতে, উত্তৰ-পূবৰ ৰাজ্যখনৰ জনগোষ্ঠীয় হিংসাৰ আধাৰত ৰচিত ‘মণিপুৰ ফাইলছ’ নামৰ গ্ৰন্থখনৰ জৰিয়তে “গোষ্ঠীৰ মাজত শত্ৰুতা প্ৰসাৰ কৰা”ৰ অভিযোগত শিলচৰৰ এজন লেখক-সাংবাদিকৰ বিৰুদ্ধে গোচৰ ৰুজু কৰা হৈছে।
যোৱা ২৫ নৱেম্বৰত ইম্ফল পূব জিলাৰ পোৰমপাট আৰক্ষী থানাত আনুষ্ঠানিক অভিযোগ দাখিল কৰে কাংগলেইপাক কানবা লুপ (কেকেএল)ৰ যুৱ নেতা লুৱাংচা ইউ নংগামখেইংগাকপাই।
অভিযোগ অনুসৰি লেখকে সংঘাতৰ এটা দিশহে উপস্থাপন কৰি হিংসাৰ পক্ষপাতদুষ্ট বিৱৰণ লিখিছে।
শিলচৰত বাসিন্দা সাহিত্যিক প্ৰণবানন্দ দাসৰ বিৰুদ্ধে ভাৰতীয় দণ্ডবিধিৰ ১৫৩ এ (ধৰ্ম, জাতি, বা জন্মস্থানৰ ভিত্তিত গোষ্ঠীৰ মাজত শত্ৰুতা প্ৰসাৰ কৰা), ২০০ (মিছা বুলিও জানি সঁচা বুলি কৰা এনে ঘোষণা) আৰু ২৯৫ (যিকোনো শ্ৰেণীৰ ধৰ্মক অপমান কৰাৰ উদ্দেশ্যেৰে উপাসনা স্থানত আঘাত কৰা বা উপহাস কৰা) আদি কেইবাটাও ধাৰাত গোচৰ ৰুজু কৰা হৈছে।
দাসৰ বিৰুদ্ধে আই পি চিৰ ৫০৫ (ৰাজহুৱা ধূৰ্তালি কৰা বক্তব্য), ৪৯৯ (মানহানি) আৰু ১২০বি (সাধাৰণ উদ্দেশ্যেৰে অপৰাধমূলক ষড়যন্ত্ৰ) ধাৰাতো অভিযোগ ৰুজু কৰা হৈছিল।
লগতে পঢ়কঃ যন্ত্ৰৰ বিৰুদ্ধে মানুহৰ জয়! নিষিদ্ধ খনন পদ্ধতিৰে জীৱন ৰক্ষা পৰিল সুৰংগত আৱদ্ধ ৪১ জন শ্ৰমিকৰ
উল্লেখ্য যে ২০২৩ চনৰ ৩ মে’ৰ পৰা ৰাজ্যখনত গোষ্ঠীগত সংঘাত চলি থকাৰ ফলত ১৮০ জনৰো অধিক লোকৰ মৃত্যু হোৱাৰ লগতে হাজাৰ হাজাৰ লোক গৃহহীন হৈছে।
