আৰম্ভ হৈছে আগুন্তুক লোকসভা নিৰ্বাচনৰ প্ৰস্তুতি। সকলো দলৰ দৰে কংগ্ৰেছৰ প্ৰাৰ্থী সকলেও ভিৰ কৰিছে দলীয় কাৰ্যালয়ত।
সূত্ৰ অনুসৰি কংগ্ৰেছ দলৰ পৰা কমেও ৪০ জন দলীয় সদস্যই নিৰ্বাচনত প্ৰতিদ্বন্দ্বিতা কৰিবলৈ টিকট বিচাৰিছে। ইতিমধ্যে ১০ জন প্ৰাৰ্থীয়ে প্ৰ-পত্ৰ জমা দিছে।
সূত্ৰ অনুসৰি এইবাৰ জ্যেষ্ঠ কংগ্ৰেছ নেত্ৰী ববীতা শৰ্মাই গুৱাহাটীৰ সলনি বৰপেটা আসনৰ পৰা প্ৰাৰ্থীত্ব আগবঢ়াবলৈ বিচাৰিছে।
জানিব পৰা মতে বৰপেটাৰ বৰ্তমানৰ সাংসদ আব্দুল খালেকে এইবাৰ ধুবুৰীৰ পৰা প্ৰাৰ্থীত্ব আগবঢ়োৱ সম্ভাৱনা আছে। অৱশ্যে আনুষ্ঠানিকভাবে এতিয়াও এই ঘোষণা কৰা হোৱা নাই।
ইফালে নগাঁও সমষ্টিৰ লোকসভাৰ আসনৰ বাবে প্ৰাৰ্থীত্ব দাবী কৰিছে ৰকিবুল হুছেইন আৰু প্ৰদ্যুৎ বৰদলৈয়ে।
উল্লেখ্য যে কলিয়াবৰৰ সাংসদ গৌৰৱ গগৈকো এই আসনৰ বাবে বিবেচনা কৰা হৈছিল যদিও শেহতীয়াকৈ সীমা নিৰ্ধাৰণ প্ৰক্ৰিয়াৰ পিছত তেওঁ যোৰহাটৰ আসনৰ পৰা প্ৰতিদ্বন্দ্বিতা কৰিব বুলি সূত্ৰৰ পৰা জানিবলৈ পোৱা গৈছে।
