ৰেখা আৰু অমিতাভ বচ্চন বলীউডৰ অন্যতম চৰ্চিত যুটী। ইখনৰ পিছত সিখন হিট ছবি উপহাৰ দিয়া, হিট যুটীৰ খিতাপ পোৱা চেলিব্ৰিটি যুটীটোৱে সঁচাকৈয়ে প্ৰেমত পৰিছিল নেকি? যদিও সকলো অ’পেন-ছিক্ৰেট, অমিতাভ বচ্চনে এই বিষয়ে কেতিয়াও মুখ খোলা নাই। ৰেখাই কিন্তু আকাৰে ইংগিতে সকলো কথা বুজাই দিছে।
যেতিয়া কোনেও ৰাজহুৱা স্থানত কোনেও কাৰো বিষয়ে এষাৰ কথা কব বিচৰা নাছিল, তেতিয়াই জয়া বচ্চনৰ সংসাৰত ধুমুহা আহিল। কিন্তু তেওঁ কেতিয়াও ভাঙিবলৈ বা ফাট মেলিবলৈ নিদিলে। তেওঁ ঠিক কৰিলে অমিতাভৰ লগত সংসাৰখন বনাব। আৰু শুনা যায় ঠিক সেই কাৰণতে যে জয়া বচ্চনে বাৰে বাৰে উত্তেজিত হৈ বিভিন্ন পদক্ষেপ গ্ৰহণ কৰিছিল।
ঘটনাবোৰৰ সত্যতা যদিও প্ৰমাণিত হৈছে, তথাপিও ইয়াৰ আঁৰৰ কাৰণটো মানুহে বাৰে বাৰে জল্পনা-কল্পনা কৰি আহিছে। আৰু সেই ক্ষেত্ৰত জয়াৰ অসুবিধাটো ক’ত সেয়া সঠিকভাৱে বুজিবলৈ কাৰো কোনো অসুবিধা হোৱা নাই।
১৯৮০ চনত ৰেখা অমিতাভৰ যুটীৰ এটা হিট চিনেমা আহিছিল। ধৰ্মেন্দ্ৰ, অমিতাভ বচ্চন, জিনত আমন আৰু ৰেখা অভিনীত এইখন ছবি। ছবিখনৰ নাম ৰাম বলৰাম। এই ছবিখনত অভিনয় কৰিবলৈ ৰেখাই এটা ডাঙৰ কৌশল গ্ৰহণ কৰিছিল। তেওঁ নিজৰ চৰিত্ৰৰ বাবে এটকাও পাৰিশ্ৰমিক লোৱা নাছিল। যাতে কোনেও তেওঁক ছবিখনৰ পৰা আঁতৰাই নিব নোৱাৰে।
কিন্তু জয়া বচ্চনে গম পোৱা নাছিল যে ৰেখা ছবিখনত আছে। হঠাতে তেওঁ এদিন অমিতাভক চিনেমাৰ চেটত গৈ লগ পোৱাৰ সিদ্ধান্ত ল’লে। সেইটোৱেই কৰিবলৈ আহিছিল। সেই সময়ত অমিতাভ বচ্চনে ৰেখাৰ লগত ঘনিষ্ঠভাৱে কথা পতাত ব্যস্ত আছিল। জয়াই সেইটো দেখি সহ্য কৰিব নোৱাৰিলে। সকলোৰে সন্মুখত ৰেখাৰ গালত শোধালে প্ৰচণ্ড চৰ।
এই ঘটনা দেখি অমিতাভ বচ্চনে লাজ পালে। তাৰ পৰা তেওঁ উঠি গুচি গৈছিল। সেই পৰিস্থিতিত তেওঁ ঠিক কি কৰিব লাগে সেইটো হেনো বুজিবই পৰা নাছিল।
