ক্ৰিকেটাৰ যুৱৰাজ সিঙে বলীউডৰ অভিনেত্ৰী তথা মডেল হেজেল কিচৰ সৈতে বিবাহপাশত আবদ্ধ হয়। তেওঁলোকৰ দুটি সন্তানো আছে। কিন্তু হেজলৰ আগতে যুৱৰাজৰ জীৱনত আন চাৰিগৰাকী বলীউড অভিনেত্ৰীয়ে প্ৰেমৰ বসন্ত আনিছিল। যুৱৰাজৰ প্ৰেম কাহিনীক লৈ এসময়ত বলীউদ আৰু খেলপথাৰত উত্তাপ বিয়পিছিল।
যুৱৰাজৰ আটাইতকৈ বিখ্যাত প্ৰেমিকা আছিল চাগে দীপিকা পাডুকন। কিংবদন্তি বেডমিণ্টন খেলুৱৈ প্ৰকাশ পাডুকনৰ কন্যা বলীউদৰ মোহময়ী অভিনেত্ৰী।
যুৱৰাজে এবাৰ কৈছিল যে তেওঁ দক্ষিণ আফ্ৰিকা ভ্ৰমণৰ পৰা উভতি অহাৰ পিছত এজন কমন ফ্ৰেণ্ডৰ জৰিয়তে দীপিকাক লগ পাইছিল। সিহঁতেও ইজনে সিজনক ভাল পাবলৈ আৰম্ভ কৰিছিল। কিন্তু শেষত সম্পৰ্কটো বাস্তৱায়িত নহ’ল।
কিম শৰ্মা এতিয়া কিংবদন্তি টেনিছ খেলুৱৈ লিয়েণ্ডাৰ পেজৰ পত্নী। কিন্তু এটা সময়ত মহব্বতৰ নায়িকাগৰাকীৰ যুৱীৰ সৈতে সম্পৰ্ক আছিল। প্ৰায় ৪ বছৰ ধৰি দুয়োৰে সম্পৰ্ক আছিল। শুনা গৈছিল যে দুটা পৰিয়ালৰ আপত্তিৰ বাবে যুৱৰাজ-কিমৰ সম্পৰ্ক বিচ্ছিন্ন হৈ পৰিছিল।
মুনমুন সেনৰ কনিষ্ঠ কন্যা ৰিয়া সেনৰ লগতো ডেটিং কৰিছিল যুৱৰাজে। এটা পাৰ্টিত দুয়োৰে পৰিচয় ঘটে। তাৰ পিছত প্ৰেম আৰম্ভ হয় যদিও সেয়া আছিল অতি কম সময়ৰ সম্পৰ্ক।
২০১৪ চনত ছোফী চৌধুৰীৰ জন্মদিনৰ পাৰ্টিত প্ৰথমবাৰৰ বাবে একেলগে দেখা গৈছিল নেহা ধুপিয়া আৰু যুৱৰাজক। তেতিয়াৰ পৰাই তেওঁলোকৰ সম্পৰ্কক লৈ গুঞ্জন চলি আহিছে।
প্ৰেম স্থায়ী নহ’লেও নেহাৰ লগত যুৱীৰ বন্ধুত্ব অটুট থাকিল। যিটো যথেষ্ট ব্যতিক্ৰম। দুয়োজনে কেতিয়াও কাৰো বিৰুদ্ধে একো কোৱা শুনা নাই। আনকি, দুই ক্ষেত্ৰৰ দুই তাৰকাৰ পৰাও কেতিয়াও উষ্মা প্ৰকাশ কৰা দেখা নগ’ল। পিছলৈ নেহা বিষান সিং বেদীৰ বোৱাৰী হৈ পৰে। অংগদ বেদীৰ সৈতে তেওঁৰ বিবাহ হয়। নেহা যুৱৰাজৰ বিয়ালৈও গৈছিল।
