ৰাজস্থানৰ পৰা আগন্তুক ৰাজ্যসভা নিৰ্বাচনৰ বাবে আজি মনোনয়ন পত্ৰ দাখিল কৰে কংগ্ৰেছ নেত্ৰী ছোনিয়া গান্ধীয়ে।
পুত্ৰ ৰাহুল গান্ধী আৰু কন্যা প্ৰিয়ংকা গান্ধী ভদ্ৰাৰ সৈতে আজি পুৱা জয়পুৰ বিমানবন্দৰত অৱতৰণ কৰে জ্যেষ্ঠ নেত্ৰীগৰাকী।
ৰাজ্যখনৰ জ্যেষ্ঠ নেতা তথা প্ৰাক্তন মুখ্যমন্ত্ৰী অশোক গেহলটৰ লগতে আন কংগ্ৰেছ নেতৃত্বই তেওঁক আদৰণি জনায়।
উল্লেখ্য যে ৫টা কাৰ্যকাল লোকসভাৰ সাংসদ হিচাপে কাৰ্যনিৰ্বাহ কৰাৰ পিছত উচ্চ সদনৰ সাংসদ হিচাপে প্ৰথমটো কাৰ্যকালৰ বাবে আগবাঢ়িছে ছোনিয়া গান্ধী।
লোকসভাত ৰায়ে বৰেলীক প্ৰতিনিধিত্ব কৰা ছোনিয়া গান্ধীয়ে পৰৱৰ্তী সাধাৰণ নিৰ্বাচনত প্ৰতিদ্বন্দ্বিতা নকৰে।
১৯৯৯ চনত কংগ্ৰেছৰ সভানেত্ৰী পদ গ্ৰহণ কৰাৰ পিছত প্ৰথমবাৰৰ বাবে তেওঁ সাংসদ হিচাপে নিৰ্বাচিত হৈছিল।
স্মৰ্তব্য যে, অহা এপ্ৰিল মাহত ১৫ খন ৰাজ্যৰ মুঠ ৫৬ জন ৰাজ্যসভাৰ সাংসদৰ কাৰ্যকাল অন্ত পৰিব। অহা ২৭ ফেব্ৰুৱাৰীত নিৰ্বাচন অনুষ্ঠিত হ’ব।
ৰাজ্যসভা নিৰ্বাচনৰ মনোনয়ন দাখিলৰ অন্তিম তাৰিখ ১৫ ফেব্ৰুৱাৰী।
