ইউৰিক এচিডৰ সমস্যা এটা ডাঙৰ সমস্যা। যদি ইউৰিক এচিড শৰীৰত জমা হয় তেন্তে ই অতি বিপদজনক হৈ পৰে। তেজত ইউৰিক এচিডৰ পৰিমাণ বৃদ্ধি হ’লে গাঁঠিৰ বিষ আৰম্ভ হয়। তাৰ লগতে হাত-ভৰি ফুলিবলৈ আৰম্ভ কৰে।
যিসকলে দীৰ্ঘদিন ধৰি ইউৰিক এচিডৰ সমস্যাত ভুগি থাকে তেওঁলোকৰ বৃক্কৰ ৰোগ আৰু হাৰ্ট এটেক হোৱাৰ সম্ভাৱনা বৃদ্ধি পায়।
শৰীৰত ইউৰিক এচিডৰ মাত্ৰা বৃদ্ধি হোৱাটো একেবাৰেই ভাল নহয়। গতিকে আগতীয়াকৈ সাৱধান হওক। তদুপৰি শীতকালত ইউৰিক এচিডৰ ফলত হোৱা বিষো বাঢ়ি যায়। শীতকালৰ এনে বহু খাদ্য আছে যিবোৰ দৈনিক খালে ইউৰিক এচিডৰ সমস্যা অধিক বৃদ্ধি পাব পাৰে।
মাংস
শীতকালত মাংস খাবলৈ সকলোৱেই ভাল পায়। কিন্তু এই শীতকালত ইউৰিক এচিডৰ মাত্ৰা নিয়ন্ত্ৰণত ৰাখিবলৈ মাংস পৰিহাৰ কৰা উচিত। যদি শীত কালত মাংস খায় তেন্তে খুব কমকৈ খাব।
সাগৰীয় খাদ্য
শীতকালত ইউৰিক এচিডৰ বিষ কম কৰিবলৈ খাদ্যৰ তালিকাৰ পৰা যিকোনো সাগৰীয় খাদ্য পৰিহাৰ কৰিব লাগে। চিকিৎসকে সদায় এইবোৰ নাখাবলৈ পৰামৰ্শ দিয়ে।
কিচমিচ
কিচমিচ খোৱাটো স্বাস্থ্যৰ বাবে অতি উপকাৰী। কিচমিচ খোৱাটো হৃদযন্ত্ৰৰ বাবে উপকাৰী। কিন্তু ইউৰিক এচিডৰ সমস্যাত ভুগি থকাসকলৰ বাবে কিচমিচ খোৱাটো অতি বিপদজনক।
ওলকবি
শীতকালত ওলকবিৰে বজাৰ উভৈনদী হৈ থাকে। কিন্তু যিসকলৰ শৰীৰত ইউৰিক এচিডৰ মাত্ৰা বেছি থাকে তেওঁলোকে ওলকবি একেবাৰে খাব নালাগে।
ওলকবি খোৱাটো ইউৰিক এচিডত ভোগা সকলৰ স্বাস্থ্যৰ বাবে অতি বেয়া। ইউৰিক এচিড থকা ব্যক্তিয়ে ওলকবি খালে হাত-ভৰি ফুলি উঠাৰ লগতে বিষৰ মাত্ৰ বাঢ়িব পাৰে।
খেজুৰ
খেজুৰত পিউৰিন প্ৰচুৰ পৰিমাণে থাকে। ইয়াত ফ্ৰুক্ট’জও থাকে। গতিকে ইউৰিক এচিডৰ সমস্যাত ভোগাসকলে খেজুৰ বেছিকৈ খোৱাটোও ভাল নহয়। বেছিকৈ খালে তেজত ফ্ৰুক্ট’জৰ মাত্ৰা বৃদ্ধি পাব পাৰে।
বীট
বহুতে শীতকালত বীট আৰু বিলাহী প্ৰচুৰ পৰিমাণে খায়। কিন্তু ইয়াক সেৱন কৰিলে শৰীৰত ইউৰিক এচিডৰ মাত্ৰা বহু পৰিমাণে বৃদ্ধি পাব।
