মধ্যপ্ৰদেশৰ উজ্জয়িনৰ মহাকালেশ্বৰ মন্দিৰত সংঘটিত হৈছে অগ্নিকাণ্ডৰ ঘটনা। এই অগ্নিকাণ্ডত এজন প্ৰধান পুৰোহিতকে ধৰি কমেও ১৪ জন পুৰোহিত অগ্নিদগ্ধ হৈ আহত হয়।
বাতৰি অনুসৰি, হোলী উপলক্ষে ভস্ম আৰতিৰ সময়ত মন্দিৰৰ গৰ্ভগৃহত অগ্নিকাণ্ড সংঘটিত হয়। আহত পুৰোহিতসকলক স্থানীয় চিকিৎসালয়ত ভৰ্তি কৰোৱা হৈছে। অৱশ্যে এতিয়ালৈকে কোনো মৃত্যুৰ খবৰ পোৱা হোৱা নাই।
উজ্জয়িন জিলা দণ্ডাধীশ নীৰজ সিঙে সংবাদ সংস্থাক জনাইছে, “ভস্ম আৰতিৰ সময়ত অগ্নিকাণ্ড সংঘটিত হয়। এই ঘটনাত ১৪ জন লোক আহত হয়। তেওঁলোক বৰ্তমান চিকিৎসাধীন হৈ আছে। অগ্নিকাণ্ডৰ কাৰণ জানিবলৈ তদন্তৰ নিৰ্দেশ দিয়া হৈছে।”
#WATCH | Ujjain, Madhya Pradesh | 13 people injured in a fire that broke out in the 'garbhagriha' of Mahakal Temple during bhasma aarti today. Holi celebrations were underway here when the incident occurred. The injured have been admitted to District Hospital.
(Earlier visuals… pic.twitter.com/cIUSlRirwo
— ANI (@ANI) March 25, 2024
প্ৰত্যক্ষদৰ্শীয়ে জনোৱা মতে, আৰতিৰ জুইত আবিৰ ছটিওৱাৰ বাবে চাৰিওফালে জুইৰ শিখা বিয়পি পৰে। বহু পুৰোহিত আৰতিৰ ওচৰতে আছিল। তেওঁলোক আহত হয়। গৰ্ভগৃহ ক’লা ধোঁৱাই আগুৰি ধৰে।
ইপিনে, তীৰ্থযাত্ৰীসকল দৌৰি বাহিৰলৈ ওলাই যায়। ইয়াৰ পিছতে জুই নিয়ন্ত্ৰণ কৰি আহতসকলক উদ্ধাৰ কৰি স্থানীয় চিকিৎসালয়লৈ লৈ যোৱা হয়।
