ৰাজস্থানৰ বানস্বৰাত নিৰ্বাচনী সভাত ভাষণ দি প্ৰধানমন্ত্ৰী নৰেন্দ্ৰ মোদীয়ে দাবী কৰিছিল যে কংগ্ৰেছে নিজৰ ইস্তাহাৰত দেশৰ সম্পদ মুছলমানৰ মাজত পুনৰ বিতৰণ কৰিব। ২০০৬ চনৰ মনমোহন সিঙৰ মন্তব্যকো ব্যৱহাৰ কৰি কংগ্ৰেছক কটাক্ষ কৰিছিল। অৱশ্যে কংগ্ৰেছে মোডীৰ এই দাবী নাকচ কৰিছে।
কংগ্ৰেছে নৰেন্দ্ৰ মোডীৰ মন্তব্য আৰু ড° মনমোহন সিঙে উল্লেখ কৰা মন্তব্যৰ কোলাজ কৰি ছচিয়েল মিডিয়াত পোষ্ট কৰিছে। কংগ্ৰেছে কেপচনত লিখিছে, ‘প্ৰধানমন্ত্ৰী নৰেন্দ্ৰ মোদীৰ মিছা কথা কোৱাৰ বদ অভ্যাস আছে। আকৌ এবাৰ তেওঁ মিছা কথা কৈ ধৰা পৰিল।’
ইপিনে, কংগ্ৰেছে পোষ্ট কৰা মনমোহন সিঙৰ একেটা ভিডিঅ’ৰ পৰা লোৱা ২২ ছেকেণ্ডৰ এটা ক্লিপ পুনৰ বিজেপিয়ে ছ’চিয়েল মিডিয়াত পোষ্ট কৰে। গেৰুৱা শিবিৰে কংগ্ৰেছক আক্ৰমণ কৰি প্ৰশ্ন কৰে- “কংগ্ৰেছে নিজেই প্ৰধানমন্ত্ৰীক এতিয়া বিশ্বাস নকৰেনে?” মনমোহনৰ ভাষণৰ এটা অংশ কেপচনত তুলি ধৰা হৈছে। ইয়াত লিখা আছে, ‘সংখ্যালঘুসকলে বিশেষকৈ মুছলমান সংখ্যালঘুসকলে যাতে উন্নয়নৰ ফল ন্যায্যভাৱে ভাগ-বতৰা কৰি লব পাৰে, তাৰ বাবে আমি উদ্ভাৱনী পৰিকল্পনা উলিয়াব লাগিব। দেশৰ সম্পদৰ ওপৰত তেওঁলোকৰ প্ৰথম অধিকাৰ থাকিব লাগিব।’
কিন্তু দৰাচলতে মনমোহন সিঙে কি কৈছিল? ২০০৬ চনৰ ৯ ডিচেম্বৰত মনমোহন সিঙে ৰাষ্ট্ৰীয় উন্নয়ন পৰিষদৰ বৈঠকত কৈছিল- ‘অনুসূচিত জাতি আৰু জনজাতিৰ উন্নয়নৰ পৰিকল্পনা পুনৰুজ্জীৱিত কৰা উচিত। সংখ্যালঘুসকলে বিশেষকৈ মুছলমান সংখ্যালঘুসকলে যাতে উন্নয়নৰ ফল ন্যায্যভাৱে ভাগ কৰি লব পাৰে তাৰ বাবে আমি উদ্ভাৱনী পৰিকল্পনা উলিয়াব লাগিব। সম্পত্তিৰ ওপৰত তেওঁলোকৰ প্ৰথম অধিকাৰ থকা উচিত। কেন্দ্ৰৰ আন অসংখ্য দায়িত্ব আছে। এই সকলোবোৰ প্ৰয়োজনীয়তা আমি সামগ্ৰিকভাৱে আমাৰ হাতত থকা সম্পদৰ পৰাই পূৰণ কৰিব লাগিব।‘
২০০৬ চনত মনমোহন সিঙৰ ভাষণৰ পিছতে ৰাজনৈতিক বিতৰ্ক আৰম্ভ হৈছিল। সেই সময়ত প্ৰধানমন্ত্ৰীৰ কাৰ্যালয়ে স্পষ্টীকৰণ দিছিল যে মনমোহন সিঙে কৈছে, অনুসূচিত জাতি আৰু জনজাতি, অ’বিচি, মহিলা, শিশু, সংখ্যালঘুসকলক উন্নয়নমূলক প্ৰকল্পসমূহৰ ক্ষেত্ৰত অগ্ৰাধিকাৰ দিয়া হ’ব।
"We will have to devise innovative plans to ensure that minorities, particularly the Muslim minority, are empowered to share equitably in the fruits of development. They must have the first claim on resources."
– Dr Manmohan Singh, 9th Dec, 2006
The Congress doesn’t trust their… https://t.co/MWAf8uP23N pic.twitter.com/EDAKfasXT8
— BJP (@BJP4India) April 21, 2024
কিন্তু মোডীৰ কোন মন্তব্যক কেন্দ্ৰ কৰি ইমান বিতৰ্কৰ সৃষ্টি হৈছে? কংগ্ৰেছক তীব্ৰ সমালোচনা কৰি মোদীয়ে দাবী কৰিছিল যে, ‘শাসনলৈ আহিলে কংগ্ৰেছে সাধাৰণ মানুহৰ সম্পদ কাঢ়ি লৈ মুছলমানৰ মাজত বিতৰণ কৰিব।’ মোদীয়ে কয়, ‘এই নগৰীয়া নক্সাল মানসিকতাত তেওঁলোকে মাতৃ-ভগ্নীৰ মংগলসূত্ৰকো ৰেহাই নিদিয়ে। যিকোনো পৰ্যায়লৈ কংগ্ৰেছ নামিব পাৰে। কংগ্ৰেছৰ ইস্তাহাৰ মতে, মাতৃ-ভগ্নীৰ সোণৰ গহনাৰ পৰিমাণ হিচাপ কৰি চাই সেই সম্পদ পুনৰ বিতৰণ কৰিব। আৰু সেই ধন-সম্পত্তি কাক দিব? মনমোহন সিঙৰ চৰকাৰে কৈছিল যে দেশৰ ধন-সম্পদৰ ওপৰত মুছলমানৰ প্ৰথম অধিকাৰ আছে। গতিকে তেওঁলোকে এই সম্পদসমূহ অনুপ্ৰৱেশকাৰীক দিব? আপোনালোকৰ কষ্টোপাৰ্জিত ধন অনুপ্ৰৱেশকাৰীক দিয়া উচিতনে? আপনালোকে এইটোৱেই বিচাৰে নেকি? কাৰোবাৰ সম্পত্তি বাজেয়াপ্ত কৰাৰ অধিকাৰ চৰকাৰৰ আছেনে? আমাৰ আই আৰু ভগ্নীসকলৰ হাতত থকা সোণৰ গহনাবোৰ আত্মসন্মানৰ প্ৰতীক। মংগলসূত্ৰৰ মূল্য সোনৰ ওজনেৰে নিৰ্ণয় কৰিব নোৱাৰি। এইটো এগৰাকী পত্নীৰ সপোনৰ সৈতে জড়িত।’
पहले चरण के मतदान में निराशा हाथ लगने के बाद नरेंद्र मोदी के झूठ का स्तर इतना गिर गया है कि घबरा कर वह अब जनता को मुद्दों से भटकाना चाहते हैं।
कांग्रेस के ‘क्रांतिकारी मेनिफेस्टो’ को मिल रहे अपार समर्थन के रुझान आने शुरू हो गए हैं।
देश अब अपने मुद्दों पर वोट करेगा, अपने…
— Rahul Gandhi (@RahulGandhi) April 21, 2024
ইপিনে, কংগ্ৰেছে অভিযোগ কৰিছে যে প্ৰধানমন্ত্ৰী মোদীয়ে প্ৰকৃত বিষয়টোৰ পৰা মানুহৰ দৃষ্টি আকৰ্ষণ কৰিবলৈ এনেধৰণৰ বিভাজনমূলক ভাষণ দিছে। এই পৰিৱেশত মোডীৰ মন্তব্য সন্দৰ্ভত ছ’চিয়েল মিডিয়াত ৰাহুল গান্ধীয়ে এটা পোষ্টত লিখিছে, ‘প্ৰথম ৰাউণ্ডৰ নিৰ্বাচনৰ হতাশাৰ পিছত নৰেন্দ্ৰ মোডীৰ মিছাৰ মাত্ৰা বাঢ়িছে। ভয়ত এতিয়া তেওঁ মানুহৰ দৃষ্টি আচল বিষয়বোৰৰ পৰা আঁতৰাই পেলাব বিচাৰিছে। কংগ্ৰেছৰ ‘বৈপ্লৱিক ইস্তাহাৰ’য়ে লাভ কৰা ব্যাপক সমৰ্থনক লৈ ট্ৰেণ্ডৰ উন্মেষ ঘটিবলৈ আৰম্ভ কৰিছে। এই সকলোবোৰ বিষয়ত এতিয়া দেশে ভোট দিব। চাকৰিৰ বাবে, নিজৰ পৰিয়াল, নিজৰ ভৱিষ্যতৰ বাবে ভোট দিব।’
