এহাতে যদি প্ৰযুক্তি আশীৰ্বাদ আৰু আনহাতে ই অভিশাপো। প্ৰযুক্তিৰ দুৰ্ব্যৱহাৰ কৰি অপৰাধ সংঘটিত কৰাৰ ঘটনা দিনক দিনে বাঢ়ি আহিছে।
ঘটনাৰ বিৱৰণ মতে, অনলাইন এপৰ দ্বাৰা নিজৰ কন্ঠ নাৰী কন্ঠলৈ ৰূপান্তৰ কৰি বিভিন্ন যুৱতীলৈ ফোন কৰে কেইজন মান যুৱকৰ এটা দলে। তাৰপিছত যুৱতীসকলক নিৰ্দিষ্ট ঠাইলৈ মাতি আনি দলৱদ্ধ ধৰ্ষণ কৰে যুৱককেইজনে।
মধ্যপ্ৰদেশৰ সিধি জিলাত সংঘটিত হৈছে এই ভয়াবহ ঘটনা। শেহতীয়াকৈ এগৰাকী জনজাতীয় যুৱতীয়ে আৰক্ষীক ধৰ্ষণৰ আভিযোগ দিয়ে। ইয়াৰ পিছতে আৰক্ষীয়ে তদন্ত আৰম্ভ কৰে। জানিব পৰা মতে দলটোৱে এনেদৰে বহু যুৱতীক ধৰ্ষণ কৰিছে।
জানিব পৰা মতে এই ঘটনাৰ লগত জড়িত কেইবাজনো অভিযুক্তক গ্ৰেপ্তাৰ কৰিছে আৰক্ষীয়ে।
ঘটনাৰ পিছতে চাইবাৰ চেলে বিশেষ সতৰ্কবাণী জাৰি কৰিছে। এই অপৰাধৰ তদন্তৰ বাবে মধ্যপ্ৰদেশৰ মুখ্যমন্ত্ৰী মোহন যাদৱে ৯ জনীয়া বিশেষ তদন্তকাৰী দল গঠনৰ নিৰ্দেশ দিছে।
