এতিয়াৰে পৰা প্ৰতিবছৰে ২৫ জুন দিনটোক পালন কৰা হ’ব সংবিধান হত্যা দিৱস হিচাপে। ১৯৭৫ চনৰ এই ২৫ জুন তাৰিখেই দেশত জৰুৰীকালীন অৱস্থাৰ ঘোষণা কৰিছিল তদানীন্তন কংগ্ৰেছী প্ৰধানমন্ত্ৰী ইন্দিৰা গান্ধীয়ে।
অমিত শ্বাহে কয় যে দেশত প্ৰতি বছৰে ২৫ জুনৰ দিনটো ‘সংবিধান হত্যা’ দিৱস হিচাপে পালন কৰা হ’ব।
এই সমম্পৰ্কত ইতিমধ্যেই কেন্দ্ৰীয় চৰকাৰে এক অধিসূচনা জাৰি কৰিছে। অমিত শ্বাহে সামাজিক মাধ্যমত শ্বেয়াৰ কৰিছে এই এই অধিসূচনাৰ ফটো।
শ্বাহে কয় যে, ১৯৭৫ চনৰ ২৫ জুনত তদানীন্তন প্ৰধানমন্ত্ৰী ইন্দিৰা গান্ধীয়ে একনায়কত্ববাদী মানসিকতাৰ পৰিচয় দি দেশত জৰুৰীকালীন অৱস্থা জাপি দি ছিলি। ইয়ে ভাৰতীয় গণতন্ত্ৰৰ আত্মাক ডিঙি চেপি ধৰিছিল। লাখ লাখ লোকক কোনো কাৰণ নোহোৱাকৈ জেলত ভৰাই সংবাদ মাধ্যমৰ কণ্ঠ মোহাৰি পেলোৱা হৈছিল। ভাৰত চৰকাৰে প্ৰতি বছৰে ২৫ জুন তাৰিখটো ‘সংবিধান হত্যা দিৱস’ হিচাপে পালন কৰাৰ সিদ্ধান্ত লৈছে। ১৯৭৫ চনৰ জৰুৰীকালীন অমানৱীয় যন্ত্ৰণা সহ্য কৰা সকলোৰে অপৰিসীম অৱদানক এই দিৱসত স্মৰণ কৰা হ’ব।
