আপুনি কথাবোৰ পাহৰি যায় নেকি? কথা পাহৰি যোৱাতো এটা স্বাভাৱিক কথা যদিও সঘনাই কথা পাহৰাতো আৰু কথা মনত নপৰাতো এটা গুৰুতৰ ৰোগ। কথা পাহৰি যোৱা এই ৰোগ বিধৰ নাম হৈছে ডিমেনচিয়া।
বহুতে হয়তো ডিমেনচিয়াৰ বিষয়ে নাজানে। ই এক নিউৰ’ডিজেনেৰেটিভ ৰোগ। এই ৰোগত আক্ৰান্ত ব্যক্তিয়ে ক্ৰমান্বয়ে স্মৃতিশক্তি হেৰুৱাই পেলায়। প্ৰায় সকলো কথা পাহৰি যোৱাৰ প্ৰৱণতা থাকে।
গতিকে এই ৰোগ হ’লে লগে লগে চিকিৎসকৰ পৰামৰ্শ লোৱা উচিত। বয়স বৃদ্ধিৰ লগে লগে বহু লোক এই ৰোগত আক্ৰান্ত হয়। গতিকে কিছুমান খাদ্য দৈনন্দিন খাদ্য তালিকাত ৰাখিলে ডিমেনচিয়াৰ সম্ভাৱনা কম হয়।
কচু
ডিমেনচিয়াৰ সম্ভাৱনা কম কৰিবলৈ কচু খোৱাটো অতি প্ৰয়োজনীয়। কচুত ভিটামিন কে, লুটিন, বিটা-কেৰটিন আদি পুষ্টিকৰ উপাদান থাকে। যিয়ে আপোনাৰ শৰীৰক সুস্থ কৰি ৰখাত সহায় কৰিব। মগজুৰ শক্তি বৃদ্ধি কৰাত সহায় কৰিব। ই ৰোগ প্ৰতিৰোধ ক্ষমতা বৃদ্ধি কৰিব।
জামু
জামু খোৱাটো স্বাস্থ্যৰ বাবে অতি উত্তম। ইয়াৰ উপৰিও ষ্ট্ৰবেৰী, ব্লুবেৰী, ব্লেকবেৰীত প্ৰচুৰ পৰিমাণে এন্টিঅক্সিডেন্ট থাকে। যিয়ে আপোনাৰ মানসিক চাপ কমোৱাত সহায় কৰিব। যদি আপুনি অটমিলৰ সৈতে জামু খাব পাৰে তেন্তে ই উপকাৰিতা আৰু বেছি।
মাগুৰ মাছ
মাগুৰ মাছে ডিমেনচিয়াৰ সম্ভাৱনা কম কৰাত সহায় কৰে। মাগুৰ, শিঙি, কুচিয়া আদি মাছত প্ৰচুৰ পৰিমাণে ওমেগা থ্ৰী ফেটি এচিড থাকে। যিয়ে আপোনাৰ প্ৰদাহ হ্ৰাস কৰিব পাৰে। কেৱল সেয়াই নহয়, ই আপোনাৰ হৃদতন্ত্ৰ সুস্থ কৰি ৰাখিব। ইয়াৰ উপৰিও ডিমেনচিয়াৰ সম্ভাৱনাও হ্ৰাস কৰিব।
বাদাম
যেনে আলমণ্ড, আখৰোট, চিয়া গুটি আদিত প্ৰচুৰ পৰিমাণে ভিটামিন আৰু এন্টিঅক্সিডেন্ট থাকে। কেৱল এয়াই নহয়, ই আপোনাৰ হৃদযন্ত্ৰ সুস্থ কৰি ৰাখে। ওজনো নিয়ন্ত্ৰণত থাকে। বেয়া কলেষ্টেৰলৰ মাত্ৰাও কমি যায়। যিকোনো গোটা শস্য খালে ডিমেনচিয়াৰ সম্ভাৱনা হ্ৰাস পাব পাৰে। ইয়াত প্ৰচুৰ পৰিমাণে ভিটামিন, খনিজ পদাৰ্থ থাকে। ইয়াৰ উপৰিও ইয়াত এন্টিঅক্সিডেন্ট থাকে। যাৰ ফলত হাৰ্ট এটেকৰ সম্ভাৱনা কম হয়।
কিন্তু যদি আপোনাৰ ডিমেনচিয়াৰ সমস্যা গুৰুতৰ হৈছে তেন্তে চিকিৎসকৰ কাষ চাপক।
