গুগলত বিচাৰিলে ৱিকিপিডিয়াত উপলব্ধ আৰ জি কৰ ঘটনাৰ যুৱ চিকিৎসকৰ নাম আৰু ছবি ৱিকিপিডিয়াৰ পৰা শীঘ্ৰে আঁতৰোৱাৰ নিৰ্দেশ মুখ্য ন্যায়াধীশ ডি ৱাই চন্দ্ৰচুড়ৰ।
ফৌজদাৰী বিধি আইনৰ ৭২ নং অনুচ্ছেদ অনুসৰি ধৰ্ষণ বা যৌন নিৰ্যাতনৰ ক্ষেত্ৰত ভুক্তভোগীৰ নাম বা পৰিচয় প্ৰকাশ কৰিব নোৱাৰিব। আদালতৰ নিৰ্দেশ পালন নকৰিলে তেওঁৰ বিৰুদ্ধে অনুশাসনমূলক ব্যৱস্থাও ল’ব পাৰে। দোষীক জৰিমনা বা জেলো হ’ব পাৰে। অৱশ্যে যুৱ চিকিৎসকগৰাকীৰ নাম আৰু চুলিৰ ষ্টাইলৰ সৈতে মিল থকা ছবিখনক লৈ আপত্তি কৰে মুখ্য ন্যায়াধীশে। ডি ৱাই চন্দ্ৰচুড়ে কয়, ‘ছ’চিয়েল মিডিয়াত বা প্ৰেছত মৃতকৰ পৰিচয় ৰাজহুৱা কৰি ভুল কৰা হৈছে। ইয়াক ডিলিট কৰিব লাগে।”
উল্লেখ্য যে, যোৱা ৮ আগষ্টত নৈশ কৰ্তব্যত আছিল আৰ জি কৰ মেডিকেল কলেজ এণ্ড হস্পিতালৰ এগৰাকী যুৱতী চিকিৎসক। পিছদিনা চিকিৎসালয়খনৰ চেমিনাৰ হলৰ পৰা উদ্ধাৰ কৰে তেওঁৰ মৃতদেহ। সেই সময়ত তেওঁ প্ৰায় উলংগ হৈ আছিল। অভিযোগ অনুসৰি তেওঁক ধৰ্ষণ কৰি হত্যা কৰা হৈছিল। লালবজাৰে যুৱ চিকিৎসকজনৰ নাম ৰাজহুৱা কৰাৰ বাবে ডাঃ সুবৰ্ণ গোস্বামী আৰু কুনাল সৰকাৰকো চমন কৰে। আৰক্ষীৰ চমনত তেওঁলোক হাজিৰ হয়। কিন্তু সোধা-পোছাৰ অন্তত তেওঁলোকে লালবজাৰৰ পৰা ওলাই আহি স্পষ্ট কৰি দিয়ে যে আৰ জি কৰ চিকিৎসা মহাবিদ্যালয় আৰু চিকিৎসালয়ৰ প্ৰাক্তন অধ্যক্ষ সন্দীপ ঘোষে পদৰ পৰা পদত্যাগ কৰাৰ সময়ত যুৱ চিকিৎসকজনৰ নাম বাৰে বাৰে উল্লেখ কৰিছিল। ইয়াৰ পাছতো তেওঁলোকে এই প্ৰশ্ন উত্থাপন কৰে যে লালবজাৰে কিয় কোনো ব্যৱস্থা গ্ৰহণ কৰা নাই। ইয়াৰ পিছত লালবজাৰে হেঁচাত পৰি ব্যৱস্থা গ্ৰহণ কৰে। ইয়াৰ পাছত সন্দীপকো লালবজাৰলৈ মাতি অনা হয়।
