সমগ্ৰ দেশ এতিয়া উৎসৱত মতলীয়া। কিন্তু উৎসৱৰ মাজতে অবিশ্বাস্য হাৰত হ্ৰাস পালে ভাৰতীয় টকাৰ মূল্য। ফলত উৎসৱৰ দিনটোতে ভাৰতীয়ৰ আনন্দৰ ম্লান হৈ পৰিল। বৃহস্পতিবাৰে দীপাৱলীৰ দিনা ভাৰতীয় মুদ্ৰাৰ (ভাৰতীয় টকা) মূল্য অভিলেখ হাৰত হ্ৰাস পায়। ভাৰতীয় মুদ্ৰাৰ এই অভিলেখ পতনৰ ফলত ডলাৰৰ মূল্য ৮৪.০৯২৫ টকালৈ বৃদ্ধি পালে।
উল্লেখ্য যে আগতেও এবাৰ ভাৰতীয় মুদ্ৰাৰ মূল্য ডলাৰৰ বিপৰীতে ৮৪.০৯০০ টকালৈ হ্ৰাস পাইছিল। এইটোৱেই আছিল আটাইতকৈ বেছি পতন। কিন্তু হঠাৎ টকাৰ দাম কমি যোৱাৰ কাৰণ কি? শ্বেয়াৰ বজাৰত ধাৰাবাহিকভাৱে দুৰ্বল ফলাফলৰ বাবে প্ৰধানকৈ ভাৰতীয় মূল্যৰ হ্ৰাসক দোষাৰোপ কৰিছে বিশেষজ্ঞসকলে। তদুপৰি, ৫ নৱেম্বৰত আমেৰিকাৰ নিৰ্বাচন।
আমেৰিকাৰ ৰাষ্ট্ৰপতি নিৰ্বাচনৰ এই ভোটগ্ৰহণ পৰ্যায়ৰ লগে লগে এক অস্থিৰ পৰিৱেশৰ সৃষ্টি হৈছে। তাৰ প্ৰভাৱৰ বাবেও এইদৰে টকাৰ পতন হোৱা বুলি ধাৰণা কৰা হয়। এই পৰিস্থিতিত বিশেষজ্ঞসকলে দাবী কৰিছে যে যদিহে ৰিপাব্লিকান দলৰ প্ৰাৰ্থী তথা প্ৰাক্তন ৰাষ্ট্ৰপতিয়ে পুনৰ আমেৰিকাৰ শাসন দখল কৰে তেন্তে আমেৰিকান ডলাৰ শক্তিশালী হ’ব পাৰে।
লগতে পঢ়কঃ বিশিষ্ট অৰ্থনীতিবিদ, প্ৰধানমন্ত্ৰীৰ বিত্তীয় উপদেষ্টা পৰিষদৰ অধ্যক্ষ বিবেক দেৱৰয়ৰ পৰলোকপ্ৰাপ্তি
ভৱিষ্যতে এছিয়া মহাদেশৰ দেশসমূহতো ইয়াৰ ইতিবাচক প্ৰভাৱ পৰিব। সেয়ে, আগন্তুক দিনত ডলাৰৰ দাম বৃদ্ধি হোৱাৰ লগে লগে এই দেশবোৰৰ টকাৰ মূল্যও হ্ৰাস পাবলৈ আৰম্ভ কৰিব। আনহাতে, বিনিয়োগকাৰীয়ে ভাৰতীয় শ্বেয়াৰ বজাৰৰ পৰা আঁতৰি গৈছে। কিন্তু অক্টোবৰ মাহতে দেশৰ শ্বেয়াৰ বজাৰৰ পৰা বিদেশী বিনিয়োগকাৰীয়ে ১ বিলিয়ন ডলাৰ উলিয়াই নিছে।
ইয়াৰে এক বৃহৎ অংশই চীনৰ শ্বেয়াৰ বজাৰত বিনিয়োগ কৰিবলৈ আৰম্ভ কৰিছে। গতিকে আগন্তুক দিনত যদি এই পৰিস্থিতিৰ পৰিবৰ্তন নহয়, তেন্তে টকাৰ মূল্যৰ উন্নতি সম্ভৱ নহয়। কিন্তু শ্বেয়াৰ বজাৰৰ এজন বিনিয়োগকাৰীৰ মতে যোৱা কেইটামান ছেছনৰ পৰা টকাৰ মূল্য অবিৰতভাৱে হ্ৰাস পাবলৈ ধৰিছে।
লগতে পঢ়কঃ নিচাৰ বাবে টকা লাগে! ১৯ জন যুৱকৰ সৈতে দৈহিক সম্পৰ্ক এক কিশোৰীৰ; এইডছত আক্ৰান্ত সকলোৱে
অৱশ্যে ভাৰতীয় ৰিজাৰ্ভ বেংকে এই হ্ৰাস ৰোধৰ বাবে কিছু ক্ষীপ্ৰ পদক্ষেপ গ্ৰহণ কৰিব বুলি তেওঁ আশা প্ৰকাশ কৰে। কাৰণ তেওঁলোকে কেতিয়াও টকাৰ দামৰ ওপৰত নিয়ন্ত্ৰণ হেৰুৱাব নিবিচাৰে। জানি থোৱা ভাল যে এছিয়াৰ আন দেশৰ তুলনাত ডলাৰৰ ক্ষেত্ৰত ভাৰতীয় টকাই ভাল প্ৰদৰ্শন কৰিছে। প্রতিবেদন অনুসৰি যোৱা এমাহত আন দেশৰ টকাৰ তুলনাত ভাৰতীয় টকাৰ পতন তুলনামূলকভাৱে কম হৈছে৷
