দীৰ্ঘকালৰ পৰা সাংবাদিকতাৰ সৈতে জড়িত স্থিতপ্ৰজ্ঞ সাংবাদিক ললিত গগৈলৈ সদৌ অসম সাংবাদিক সন্থাৰ বিশেষ স্বীকৃতি৷
সাংবাদিকতাৰ ক্ষেত্ৰখনলৈ আগবঢ়োৱা অনবদ্য অৱদানক স্বীকৃতি দি অসমীয়া দৈনিক বাতৰি কাকত অসমীয়া প্ৰতিদিনৰ জ্যেষ্ঠ সাংবাদিক ললিত গগৈক সন্মানীয় ‘শ্বহীদ মাণিক দেউৰী সোঁৱৰণী সাংবাদিকতা বঁটা’ প্ৰদান কৰা হৈছে। উল্লেখ্য যে, এই বঁটা প্ৰয়াত সাংবাদিক গৰাকীৰ স্মৃতিত শ্ৰদ্ধাঞ্জলি জনোৱাৰ লগতে অসমৰ সাংবাদিকতাত উল্লেখযোগ্য অৱদান আগবঢ়োৱা সকলক প্ৰদান কৰা হয়।
গগৈৰ উপৰিও আন কেইবাজনো বিশিষ্ট সাংবাদিকক ই অনুষ্ঠানত সম্বৰ্ধনা জনোৱা হ’ব। প্ৰান্তিকৰ সম্পাদক প্ৰদীপ বৰুৱাই লাভ কৰিব ‘প্ৰফুল্ল বৰুৱা সোঁৱৰণী জীৱনজোৰা সাধনা বঁটা’।
অহা ২৫ ডিচেম্বৰত গুৱাহাটীত এক বিশেষ অনুষ্ঠানত এই বঁটা প্ৰদান কৰা হ’ব, য’ত অসমৰ সংবাদ মাধ্যমৰ পৰিৱেশলৈ আগবঢ়োৱা অৱদানৰ বাবে এই বিশিষ্ট সাংবাদিকসকলক সম্বৰ্ধনা জনোৱা হ’ব। ৰাজ্যৰ সাংবাদিকতাৰ ক্ষেত্ৰত স্থায়ী প্ৰভাৱ পেলোৱা সাংবাদিকসকলৰ কঠোৰ পৰিশ্ৰম আৰু নিষ্ঠাক স্বীকৃতি দিয়াৰ লক্ষ্যৰে এই বঁটা প্ৰদানৰ কথা সন্থাই সদৰী কৰে।
