গৰমৰ আৰম্ভণিতে জেঠীৰ উপদ্ৰৱ বৃদ্ধি পায়। বেৰৰ পৰা মাটিলৈকে জেঠী পিলপিলাই ফুৰা দেখা যায়। বহু সময়ত পৰিস্থিতি বেয়া হৈ পৰে। যদি আপুনিও ঘৰৰ পৰা জেঠীৰ পৰা মুক্তি পাব বিচাৰে, অথচ ঘৰুৱা প্ৰতিটো ঔষধ ব্যৱহাৰ কৰি ভাগৰি পৰিছে, তেন্তে এতিয়াই কিছু সহজ কৌশলৰ বিষয়ে জানি লওক। যিটো কেৱল সহজেই নহয়, জেঠী আঁতৰোৱাতো সহায় কৰে। সেই কৌশলবোৰৰ বিষয়ে জানো আহক।
ঘৰৰ পৰা জেঠী দূৰ কৰাৰ সহজ উপায়
১) প্ৰচণ্ড গোন্ধৰ পৰা জেঠী পলাই যায়। সেয়ে আপুনি কফি পাউদাৰৰ লগত ধঁপাত মিহলাই কোঠাটোৰ চুকে চুকে থৈ দিয়ক। ইয়াৰ ফলত জেঠী ঘৰৰ ভিতৰলৈ আহিব নোৱাৰিব।
২) নহৰুৰ গোন্ধটো বৰ প্ৰবল হয়। যদি আপোনাৰ দুৱাৰ বা খিৰিকীত প্ৰায়ে জেঠী থাকে তেন্তে দুৱাৰৰ সন্মুখত নহৰুৰ কোহ ৰাখিলে সেইবোৰৰ পৰা মুক্তি পাব। বা নহৰুৰ ৰসও ছটিয়াই দিব পাৰে।
৩)চিলি পাউদাৰ ব্যৱহাৰ কৰিও জেঠী দূৰ কৰিব পাৰি। শুকান ৰঙা জলকীয়াৰ সৰু সৰু টুকুৰা কাপোৰ এখনত বান্ধি ৰাখক। জলকীয়াৰ গোন্ধত জেঠী দূৰলৈ পলাব।
৪) জালুকে (black pepper) খাদ্যৰ সোৱাদ বৃদ্ধি কৰে, সেইদৰে জেঠী দূৰ কৰাতো ই অতি উপযোগী। জালুকৰ গুড়ি পানীৰ লগত মিহলাই মিশ্ৰণ বনাই দৈনিক ছটিয়াই পাৰে। ইয়াৰ পৰিৱৰ্তে ৰঙা জলকীয়াৰ গুড়ি আৰু ভিনেগাৰো ব্যৱহাৰ কৰিব পাৰে।
৫) ঘৰত জেঠী সোমোৱাৰ প্ৰধান কাৰণ হ’ল মলি আৰু জাবৰ বা খাদ্য। সেয়ে ঘৰখন সদায় পৰিষ্কাৰ কৰি ৰাখক। খাদ্যৰ পাত্ৰ পৰিষ্কাৰ কৰি ৰাখক যাতে জেঠীৰ খাদ্যৰ উৎস নাথাকে।
