ফুলকবি বিক্ৰী হৈছে প্ৰতি কেজিত এক টকা! হতাশ কৃষকে বিঘাৰ পাছত বিঘা মাটিৰ ওপৰেৰে ট্ৰেক্টৰ চলাই নিজৰ শস্য ধ্বংস কৰিলে। উত্তৰ প্ৰদেশৰ আমৰোহাত সংঘটিত ঘটনা।
সেই অঞ্চলত স্থানীয় বজাৰত খেতিয়কে নিজৰ শস্য বিক্ৰী কৰে। এইবাৰ বিপুল পৰিমাণৰ ফুলকবিৰ চাহিদাতকৈ বজাৰত যোগান বেছি হোৱাৰ বাবে কৃষকসকলে শস্যৰ সঠিক মূল্য পোৱা নাই। ফলত তেওঁলোকে শাক-পাচলিৰ বজাৰত ফুলকবি বিক্ৰী কৰিবলৈ বাধ্য হয়। কিন্তু সেই শাক-পাচলিবোৰ যেতিয়া ক্ৰেতাৰ ওচৰ পায়গৈ তেতিয়া প্ৰতি কেজিত ১০-১৫ টকীয়া দামত কিনিব লগা হয়। আৰু এইখিনিতে ফুলকবি খেতিয়কসকলে লোকচানৰ সন্মুখীন হৈছে। কৃষকৰ অভিযোগ যে দালাল আৰু মধ্যভোগীয়ে তেওঁলোকৰ অংশ লৈছে, কিন্তু তেওঁলোকে নিজৰ শস্য বিক্ৰী কৰি একো লাভ কৰা নাই।
আমৰোহৰ মহম্মদপুৰপট্টিৰ কৃষক লাল সিং ছাইনীয়ে সংবাদ মাধ্যমৰ আগত কয় যে ফুলকবি আৰু বন্ধাকবি খেতি কৰিবলৈ প্ৰতি বিঘাত ৮-১০ হাজাৰ টকা খৰচ কৰিব লগা হৈছিল। প্ৰথম অৱস্থাত পাইকাৰী বজাৰত একে দামত কবি বিক্ৰী কৰা হৈছিল। জানুৱাৰী মাহৰ পৰা আৰম্ভ হৈছে সমস্যা। বজাৰত অতিৰিক্ত যোগানৰ বাবে মূল্য হ্ৰাস পাইছে। বজাৰত উপযুক্ত শস্য বিচাৰি নাপাই কৃষকসকলে নিজৰ শস্য বিক্ৰী কৰিবলৈ অনিচ্ছুক। উৎপাদন বেছি হোৱাৰ বাবে শেষত শস্যবোৰ ধ্বংস কৰি পেলায়। আমৰোহৰ কল্যাণপুৰাত কৃষকৰ অৱস্থা আটাইতকৈ বেয়া। তাত থকা কৃষকসকলে দাবী কৰে যে এই বছৰ তেওঁলোকে সঠিক মূল্য নাপালে। এতিয়াও বহু শস্য চপাবলৈ বাকী আছে। যদিহে এতিয়াই মাটিখিনি পৰৱৰ্তী শস্যৰ বাবে সাজু কৰিব নোৱাৰি, তেন্তে সমস্যা হ’ব। সেয়ে কৃষকসকলে মাটিত থকা শস্য নষ্ট কৰিবলৈ বাধ্য হয়।
