আজিকালি ইউৰিক এচিড বৃদ্ধিৰ সমস্যা প্ৰায়বোৰ পৰিয়ালতেই দেখা পোৱা যায়। বয়স হোৱা লগে লগে বেছিভাগ লোকেই ইউৰিক এচিড বৃদ্ধিৰ সমস্যাত ভুগিবলৈ আৰম্ভ কৰে। ইউৰিক এচিড বৃদ্ধিৰ সমস্যা (Hyperuricemia) হৈছে দেহত ইউৰিক এছিডৰ মাত্রা অতিপাত হোৱা অৱস্থা। মূলত বৃক্কই ঠিকমতে এই এচিড শৰীৰৰ পৰা বাহিৰ কৰিব নোৱাৰাৰ ফলত ৰোগৰ সৃষ্টি হয়।
ইউৰিক এচিড বৃদ্ধিৰ কাৰণসমূহ
১. অত্যাধিক প্ৰোটিনযুক্ত খাদ্য: বিশেষকৈ গোমাংস, মূৰ্গী মাংস, সামুদ্ৰিক মাছ, আৰু ছাগলীৰ মাংস।
২. মদ আৰু কেফেইন: বিশেষকৈ বীয়েৰ আৰু ৰেড ৱাইনে ইউৰিক এচিড বৃদ্ধি কৰে।
৩. পিউৰিন-সমৃদ্ধ খাদ্য: কিছুমান শাক-পাচলি (পালং শাক, মাটি দাইল, কাঠফুলা আদি) এ ইউৰিক এচিড বৃদ্ধিত অৰহণা যোগায়।
৪. পানীৰ অভাৱ: পানী কম কৈ খালে বৃক্কই পৰ্যাপ্ত ইউৰিক এচিড নিষ্কাশন কৰিব নোৱাৰে।
৫. বংশগত : পৰিয়ালত কাৰোবাৰ যদি এই সমস্যা থাকে, তেন্তে আপোনাৰো হোৱাৰ সম্ভাৱনা থাকে।
৬. অধিক ওজন : মেটাবলিক সিন্ড্ৰোম বা অধিক ওজন থাকিলে ইউৰিক এচিড বৃদ্ধি পায়।
৭. ঔষধ : ডাইইউৰেটিকস (Diuretics) বা ৰক্তস্ৰাৱৰ কিছুমান ঔষধে ইউৰিক এচিডৰ মাত্রা বঢ়াই দিয়ে।
ইউৰিক এছিড বৃদ্ধিৰ লক্ষণসমূহ:
১. বিশেষকৈ ভৰিৰ বুঢ়া আঙুলিত তীব্ৰ বিষ বা ভৰি ফুলি উঠা।
২. হাত, ভৰি আদিৰ গাঁথিৰ বিষ।
৩. কিডনীত পাথৰ।
৪. পেচাব কৰোঁতে জ্বলাপোৰা কৰা।
৫. অধিক ইউৰিক এছিড থাকিলে শাৰীৰিক অসুস্থতা অনুভৱ হয়।
প্ৰতিকাৰ আৰু ঘৰুৱা উপায়:
১. দৈনিক ৩-৪ লিটাৰ পানী খাওক যাতে কিডনীয়ে ইউৰিক এছিড উলিয়াই দিব পাৰে।
২. কম পিউৰিনযুক্ত খাদ্য গ্ৰহণ কৰক। সামুদ্ৰিক মাছ, মাংস, আৰু প্রসেসড ফুড এৰাই চলক।
৩. নেমু পানী খাওক। নেমুত থকা থকা ভিটামিন C ইউৰিক এছিডৰ বাবে ভাল।
আপেল ছিডাৰ ভিনিগাৰ (Apple Cider Vinegar) – দিনে ১-২ চামুচ পানীত মিহলাই খালে উপকাৰী।
৪. ফাইবাৰযুক্ত খাদ্য গ্ৰহণ কৰক ।
৫. যোগ ব্যায়াম আৰু শৰীৰচৰ্চা কৰক । ইউৰিক এছিড বঢ়িলে তৎক্ষণাত গুৰুত্ব দিয়া উচিত। খাদ্যাভ্যাস ঠিক ৰাখিলে আৰু পৰ্যাপ্ত পানী খালে এই সমস্যা সহজে নিয়ন্ত্ৰণত ৰাখিব পাৰি। জটিলতা হলে চিকিৎসকৰ পৰামৰ্শ ল’ব লাগে।
