‘টক্সিক ৱৰ্ক কালচাৰ’ বা ‘টক্সিক সহকৰ্মী’ – এনে বাক্যাংশ এতিয়া প্ৰায়ে শুনা যায়। সহজ ভাষাত ক’বলৈ গ’লে ‘টক্সিক সহকৰ্মী’ বুলিলে এনে লোকক বুজোৱা হয়, যাৰ আচৰণ, বাক্য আৰু মনোভাৱে কৰ্মক্ষেত্ৰত নেতিবাচক প্ৰভাৱ পেলায়। এনে লোকে আনৰ মনৰ শান্তি ধ্বংস কৰি কৰ্ম পৰিৱেশ বিষাক্ত কৰি তোলে।
এই ধৰণৰ মানুহক আপুনি কেনেকৈ চিনি পাব?
১. এই ধৰণৰ মানুহে অহৰহ উৰাবাতৰি বিয়পাই ফুৰে। লগতে আনক সমালোচনা কৰা আৰু তেওঁলোকৰ কামক তুচ্ছজ্ঞান কৰাত পাকৈত।
২. এই ধৰণৰ সহকৰ্মীয়ে স্বেচ্ছাই আনৰ আজ্ঞা অমান্য কৰে। কোনোৱে আনৰ সফলতাক লৈ ঈৰ্ষা কৰি ক্ষতি কৰিবলৈ চেষ্টা কৰে।
৩. কিছুমান মানুহে ঈৰ্ষা কৰা লোকৰ ওপৰত মানসিক চাপ সৃষ্টি কৰে আৰু ব্যক্তিগত জীৱনত হস্তক্ষেপ কৰে, তেওঁলোকৰ দুৰ্বলতাৰ সুযোগ লয় আৰু পক্ষপাতিত্বমূলকভাৱে কাম কৰে।
এনে সহকৰ্মীয়ে কৰ্মক্ষেত্ৰত মানসিক চাপ, হতাশা আৰু সংঘাতৰ সৃষ্টি কৰিব পাৰে। কৰ্মক্ষেত্ৰত টক্সিক সহকৰ্মীৰ কাষত থকাটো মানসিক শান্তিৰ ক্ষেত্ৰত এক ডাঙৰ বাধা হ’ব পাৰে। তেওঁলোকৰ নেতিবাচক আচৰণেও কৰ্ম পৰিৱেশ প্ৰদূষিত কৰে। কিন্তু কিছুমান কৌশল গ্ৰহণ কৰি এই বিৰূপ পৰিস্থিতিৰ সৈতে মোকাবিলা কৰা সম্ভৱ:
১. বিষাক্ত সহকৰ্মীৰ সৈতে ব্যক্তিগত সম্পৰ্ক পৰিহাৰ কৰক।
২. অফিচৰ বাহিৰত তেওঁলোকৰ সৈতে আপোনাৰ যোগাযোগ সীমিত কৰক।
৩. নেতিবাচক মন্তব্য বা আচৰণৰ প্ৰতি প্ৰতিক্ৰিয়া প্ৰকাশ কৰাৰ পৰা বিৰত থাকক।
৪. আচৰণ যিমানেই বেয়া যেন নালাগিলেও তেওঁলোকৰ লগত সদায় শান্ত আৰু ভদ্ৰভাৱে কথা পাতক।
৬. তেওঁলোকৰ লগত কেতিয়াও কাজিয়াত লিপ্ত নহব।
৭. নিজৰ কামত মনোনিৱেশ কৰক আৰু কামৰ জৰিয়তে নিজৰ প্ৰমূল্য প্ৰমাণ কৰক।
৮. যদি কাৰোবাৰ আচৰণে আপোনাৰ কাম বা মানসিক স্বাস্থ্যত নেতিবাচক প্ৰভাৱ পেলাইছে তেন্তে আপোনাৰ উৰ্ধতন বিষয়া বা মানৱ সম্পদ বিভাগৰ সৈতে এই বিষয়ে আলোচনা কৰক।
৯. সম্ভৱ হ’লে আপোনাৰ অভিযোগৰ সমৰ্থনত প্ৰমাণ সংগ্ৰহ কৰক।
১০. মানসিক চাপ কমোৱাৰ বাবে নিয়মিত জিৰণি লওক আৰু নিজৰ যত্ন লওক।
১১. অফিচৰ পৰা আহি আন্তৰিক বন্ধু বা পৰিয়ালৰ সৈতে সময় কটাওক।
১২. কৰ্মক্ষেত্ৰত দায়িত্বশীল আৰু সমাজ সচেতন লোকো আছে। তেওঁলোকৰ লগত ভাল সম্পৰ্ক গঢ়ি তোলক।
মনত ৰাখিব আপোনাৰ মানসিক সুস্থতা সৰ্বোচ্চ। সেয়েহে প্ৰয়োজন হ’লে কৰ্মক্ষেত্ৰ সলনি কৰাৰ কথাও চিন্তা কৰিব পাৰে।
