অনুসূচিত জাতি কল্যাণ বিভাগে ৩০ লাখ টকা ব্যয় সাপেক্ষে নিৰ্মাণ কৰা ধুবুৰীস্থিত আম্বেদকাৰ ভৱন পৰিত্যক্ত আৰু জৰাজীৰ্ণ অৱস্থাত ৰখা কাৰ্যই তীব্ৰ চাঞ্চল্যৰ সৃষ্টি কৰিছে।
ড০ ভীমৰাও ৰামজী আম্বেদকাৰক সন্মানাৰ্থে নিৰ্মাণ কৰা এই ভৱনটোৰ অৱহেলা আৰু ৰাজহুৱা ধনৰ অপচয়ৰ বাবে জনসাধাৰণৰ ক্ষোভিত হৈ পৰিছে। ভৱনটোৰ সীমাৰ দেৱাল আৰু সংযোগী পথ নিৰ্মাণৰ বাবে প্ৰায় ১০ লাখ টকা অতিৰিক্ত আবণ্টন দিয়াৰ পিছত ২০১৫ চনত সম্পূৰ্ণ হোৱাৰ পিছৰে পৰা অব্যৱহৃত হৈ আছে এই ভৱনটো।
ধুবুৰীৰ উপ আয়ুক্তৰ পত্ৰত ভৱনটো সম্পূৰ্ণ হোৱাৰ লগতে মহকুমা কল্যাণ বিষয়াক গতাই দিয়াটো নিশ্চিত কৰা হৈছে যদিও ভৱনটো খালী হৈয়ে আছে।
ভৱনটোৰ চাৰিওফালে অত্যধিক গছ-গছনি আবৰি ধৰাৰ লগতে আৰু ৰক্ষণাবেক্ষণৰ অভাৱত জেনেৰেটৰৰ অৱক্ষয়কে ধৰি বহু সম্পদৰ ক্ষতি হোৱাৰ লগতে চুৰি কাণ্ডও সঘটিত হৈছে। তদুপৰি ড° আম্বেদকাৰৰ কোনো প্ৰতিমূৰ্তি নথকাৰ বাবে প্ৰকল্পটোৰ উদ্দেশ্যক লৈও অধিক উদ্বেগ প্ৰকাশ কৰিছে ৰাইজে।
আম্বেদকাৰ ভৱনৰ অৱহেলাৰ বাবে চৰকাৰ আৰু জিলা প্ৰশাসনক জবাবদিহি কৰিব লৈ চৰকাৰক আহ্বান জনোৱাৰ লগতে অট্টালিকাটো পুনৰ সংস্থাপন আৰু সমাজৰ সুবিধাৰ কাৰণে সঠিক ব্যৱহাৰৰ বাবে তাৎক্ষণিক পদক্ষেপ ল’বলৈও আহ্বান জনাইছে৷
