প্ৰযুক্তিৰ ক্ষেত্ৰত সমগ্ৰ বিশ্বক চেৰ পেলাইছে চীনে। এতিয়া সেই দেশত আৰম্ভ হৈছে ১০জি ব্ৰডবেণ্ড ইণ্টাৰনেট নেটৱৰ্ক! এই দ্ৰুতবেগী ইণ্টাৰনেট সেৱা প্ৰথমে হেবেই প্ৰদেশৰ জিয়ংঅন অঞ্চলত আৰম্ভ কৰা হৈছে।
এই নেটৱৰ্ক সেৱা হুৱেই আৰু চাইনা ইউনিকৰ্ণ নামৰ দুটা কোম্পানীয়ে যৌথ উদ্যোগত আৰম্ভ কৰিছে। এই যুগান্তকাৰী নেটৱৰ্কৰ গতি ৯,৮০০ এমবিপিএছ।
নিউজ এ জি-ৰ এক প্ৰতিবেদন অনুসৰি বেইজিঙৰ পৰা জিয়ংঅন বেছি দূৰত নহয়। এই অঞ্চলটো চীনৰ প্ৰযুক্তিৰ কেন্দ্ৰ হিচাপে পৰিচিত। এই নেটৱৰ্ক বিশ্বৰ প্ৰথম 50G PON সমাধানৰ ওপৰত ভিত্তি কৰি নিৰ্মাণ কৰা হৈছে।
সংস্থা দুটাৰ ছ’চিয়েল মিডিয়া পোষ্টত কোৱা হৈছে যে ফাইবাৰ অপটিক এক্সেছ নেটৱৰ্কৰ প্ৰযুক্তিগত উন্নতিৰ বাবে ধন্যবাদ। এজন ব্যৱহাৰকাৰীয়ে সহজেই জিগাবাইট স্তৰৰ পৰা ১০জি স্তৰলৈ আগবাঢ়িছে।
কোম্পানী দুটাই এইটোও দাবী কৰিছে যে যদিও নেটৱৰ্কৰ গতি ৯,৮০০ এমবিপিএছ, তথাপি ই ৰিয়েল টাইমত ৯,৮৩৪ এমবিপিএছ পৰ্যন্ত লাভ কৰিব। আনহাতে, আপলোডৰ গতি ১০০৮ এমবিপিএছ। কোৱা বাহুল্য যে বৰ্তমান বিভিন্ন কোম্পানীৰ পৰা উপলব্ধ ব্ৰডবেণ্ড সেৱাতকৈ গতি বহু বেছি।
উল্লেখ্য যে চীনে পৰৱৰ্তী প্ৰজন্মৰ বাবে সমগ্ৰ দেশতে ক্ৰমান্বয়ে নেটৱৰ্ক সেৱাৰ উন্নতি সাধন কৰিছে। বৰ্তমান ৪২.৪ নিযুত ষ্টেচনত ৫জি সেৱা উপলব্ধ। যিটো সমগ্ৰ বিশ্বৰ ভিতৰতে সৰ্বোচ্চ।
