অসমৰ দুখন আৰু তামিলনাডুৰ ছখন ৰাজ্যসভা আসনৰ কাৰ্যকাল সমাপ্তিৰ দিশে। ইয়াৰ পৰিপ্ৰেক্ষিতত ভাৰতীয় নিৰ্বাচন আয়োগে ঘোষণা কৰিছে যে, অহা ১৯ জুন এই আটাইকেইখন আসনৰ বাবে ৰাজ্যসভা নিৰ্বাচন অনুষ্ঠিত হ’ব।
উল্লেখ্য যে অসমৰ পৰা অসম গণ পৰিষদৰ বীৰেন্দ্ৰ প্ৰসাদ বৈশ্য আৰু বিজেপিৰ মিছন ৰঞ্জন দাসৰ কাৰ্যকাল জুন মাহত অন্ত পৰিব। এন ডি এ নেতৃত্বাধীন বিজেপি দলে বৰ্তমান অসম বিধানসভাৰ ১২৬খন অসনৰ ভিতৰত ৮৪ খন আসন দখল কৰি আছে। এই আসন দুখন পুনৰ দখলৰ যুঁজ হ’ব।
নির্বাচন আয়োগে প্ৰকাশ কৰা তথ্য অনুসৰি ২ জুনত নিৰ্বাচনৰ বাবে অধিসূচনা জাৰি কৰা হ’ব। মনোনয়ন পত্ৰ দাখিলৰ অন্তিম তাৰিখ ৯ জুন, আৰু মনোনয়ন প্ৰত্যাহাৰৰ শেষ দিন ১২ জুন বুলি প্ৰকাশ কৰিছে। যদি দাখিল হোৱা মনোনয়নৰ সংখ্যা খালী আসনৰ সমান হয়, তেনেহ’লে ফলাফল নিৰ্বাচনৰ দিনাতে ঘোষণা কৰা হ’ব।
প্ৰসংগক্ৰমে ২৪ জুলাইত তামিলনাডুৰ খালী হ’ব লগা ছখন আসনৰ ভিতৰত তিনিখন ডিএমকে, এখন এমডিএমকে (DMKৰ মিত্ৰ দল), এখন AIADMK আৰু এখন PMK দখলত আছে। তদুপৰি, অসমত খালী হ’বলগা দুখন আসন BJP আৰু সহযোগী দল AGPৰ দখলত আছে।
