বৃহস্পতিবাৰে ৰাষ্ট্ৰসংঘৰ সাধাৰণ পৰিষদে গাজাত তাৎক্ষণিক আৰু স্থায়ী যুদ্ধবিৰতিৰ আহ্বান জনোৱা প্ৰস্তাৱৰ সপক্ষে ভোটদান কৰে। স্পেইনে উত্থাপন কৰা এই প্ৰস্তাৱত সকলো পক্ষই যুদ্ধবিৰতিক সন্মান কৰিবলৈ দাবী জনোৱাৰ লগতে হামাছ আৰু অন্যান্য গোটৰ হাতত থকা সকলো পণবন্দীক মুকলি কৰাৰ আহ্বান জনায়। ১৪৯ দেশে সপক্ষে, আৰু ১২খন দেশে বিৰোদ্ধে আৰু ভাৰতকে ধৰি ১৯খন দেশে ভোটৰ পৰা বিৰত থাকে যদিও এই প্ৰস্তাৱ গৃহিত হয়।
ভাৰতৰ ৰাষ্ট্ৰসংঘৰ ৰাষ্ট্ৰদূত পাৰ্বথানেনী হৰিছে অৱগত কৰে যে ভাৰতে ভোটদানৰ পৰা বিৰত আছে কাৰণ ভাৰতৰ মতে সংঘাতসমূহ আলোচনা আৰু কূটনীতিৰ জৰিয়তে সমাধান কৰিব লাগিব। গাজাত মানৱীয় সংকট অধিক ভয়াৱহ হৈ পৰাক লৈ তেওঁ গভীৰ উদ্বেগ প্ৰকাশ কৰি অসামৰিক লোকৰ প্ৰাণ হেৰুৱাৰ বাবে গৰিহণা দিয়ে। ইজৰাইলৰ সৈতে শান্তিপূৰ্ণভাৱে এখন সাৰ্বভৌম পেলেষ্টাইন ৰাষ্ট্ৰ সৃষ্টিৰ বাবে ভাৰতে শান্তি আলোচনাক ধাৰাবাহিকভাৱে সমৰ্থন কৰি আহিছে বুলিও তেওঁ উল্লেখ কৰে।
এই প্ৰস্তাৱটোত ইজৰাইলক গাজাৰ অৱৰোধ অন্ত পেলোৱা, সীমান্ত পাৰ হোৱাৰ পথ মুকলি কৰা আৰু সাধাৰণ নাগৰিকৰ ওচৰলৈ মানৱীয় সাহায্য প্ৰদানৰ অনুমতি দিবলৈও আহ্বান জনোৱা হৈছে। ইয়াত ২০২৪ চনৰ জুন মাহৰ পৰা ৰাষ্ট্ৰসংঘৰ নিৰাপত্তা পৰিষদৰ প্ৰস্তাৱ মানি চলিবলৈ দুয়োপক্ষক আহ্বান জনোৱা হৈছে, য’ত যুদ্ধবিৰতি, পণবন্দীসকলক মুকলি কৰি দিয়া আৰু গাজাৰ পৰা ইজৰাইলী বাহিনী প্ৰত্যাহাৰৰ দাবী আদিও অন্তৰ্ভুক্ত আছে।
ইজৰাইল-পেলেষ্টাইন সংঘাত সন্দৰ্ভত ৰাষ্ট্ৰসংঘৰ একেধৰণৰ প্ৰস্তাৱৰ পৰা বিৰত থকাৰ ইতিহাস আছে ভাৰতে, শান্তিপূৰ্ণ আলোচনাত নিজৰ বিশ্বাসত অটল। হৰিশে কয় যে ভাৰতে গাজাক প্ৰত্যক্ষ আৰু ৰাষ্ট্ৰসংঘৰ জৰিয়তে মানৱীয় সাহায্য প্ৰদান কৰিছে, আৰু সংকট দূৰ কৰিবলৈ পণবন্দীসকলক মুক্ত কৰাৰ লগতে যুদ্ধবিৰতি নিশ্চিত কৰাৰ প্ৰচেষ্টাক সমৰ্থন কৰে।
যোৱা সপ্তাহত ৰাষ্ট্ৰসংঘৰ নিৰাপত্তা পৰিষদে একেধৰণৰ প্ৰস্তাৱ গৃহীত কৰাত ব্যৰ্থ হোৱাৰ পিছতে সাধাৰণ পৰিষদৰ ভোটদান কৰা হয়, কাৰণ ইয়াক প্ৰতিৰোধ কৰা একমাত্ৰ স্থায়ী সদস্য আমেৰিকাই ভেটো প্ৰদান কৰিছিল।
হৰিছে আন্তঃৰাষ্ট্ৰীয় সমাজক শান্তি আলোচনা পুনৰ আৰম্ভ কৰাৰ পৰিস্থিতি সৃষ্টিৰ দিশত কাম কৰিবলৈ আহ্বান জনাই কয় যে “নিৰন্তৰ অভিযোগ প্ৰত্যাভিযোগে শান্তিৰ পথহে বন্ধ কৰি দিয়ে।
