শেহতীয়াকৈ আৰ এছ এছ আৰু বিজেপিৰ পৰা প্ৰথম শ্ৰেণীৰ পৰা বিদ্যালয়সমূহত হিন্দী ভাষাক বাধ্যতামূলক তৃতীয় ভাষা হিচাপে অন্তৰ্ভুক্ত কৰাৰ এক প্ৰস্তাৱ কৰিছে। এই প্ৰস্তাৱৰ প্ৰতি গভীৰ উদ্বেগ প্ৰকাশ কৰি থানে জিলাৰ ভীৱণ্ডী পূৱৰ সমাজবাদী পাৰ্টীৰ জ্যেষ্ঠ নেতা তথা বিধায়ক ৰাইছ শেইখ কয় এই প্ৰস্তাৱে হিন্দী ভাষাক “প্ৰধান ভাষা” হিচাপে মান্যতা প্ৰদানৰ এক বৃহৎ ৰাষ্ট্ৰীয় এজেণ্ডাৰ অংশ বুলি অভিহিত কৰিছে।
বৰ্তমান মহাৰাষ্ট্ৰৰ বিদ্যালয়সমূহত ছাত্ৰ-ছাত্ৰীসকলে প্ৰথম শ্ৰেণীৰ পৰাই মাৰাঠী আৰু ইংৰাজী ভাষা অধ্যয়ন কৰিবলগীয়া হয়। এই ক্ষেত্ৰত তৃতীয় ভাষা হিচাপে হিন্দীক বাধ্যতামূলক কৰাৰ প্ৰস্তাৱক লৈ বহুতে আপত্তি প্ৰকাশ কৰিছে। বিধায়ক শেইখৰ মতে যদি চৰকাৰে হিন্দীক পাঠ্যক্ৰমত অন্তৰ্ভুক্ত কৰাৰ সিদ্ধান্ত লয়, তেন্তে ই পঞ্চম শ্ৰেণীৰ পৰা আৰম্ভ কৰা উচিত।
ইয়াৰ উপৰিও তেওঁ কয় যে, এই সিদ্ধান্তৰ বিৰুদ্ধে বহুতো বিৰোধী দল সহমতত উপনিত হৈছে, আৰু তেওঁ এই সামূহিক স্থিতিক সমৰ্থন জনায়। এই প্ৰসঙ্গত শেইখে ঘোষণা কৰে যে তেওঁ সমাজবাদী পাৰ্টীৰ জ্যেষ্ঠ নেতাসকলৰ সৈতে আলোচনা কৰি অহা ৫ জুলাইত মুম্বাইত মাৰাঠী ভাষাৰ সমৰ্থনত আয়োজন কৰা এক সমদলত অংশগ্ৰহণ কৰিব।
