অসম চৰকাৰে গোলাঘাট জিলাৰ মেৰাপানী সীমান্তৰ সমীপৰ নেঘেৰিবিলৰ পৰা অহা ৮ আগষ্টত ২০৫টা পৰিয়ালক উচ্ছেদ কৰি প্ৰায় ৩০০ বিঘা বেদখল কৰা বনাঞ্চলৰ ভূমি বেদখল মুক্ত কৰিব। অসমৰ মুখ্য সচিব এম.কে. যাদৱে ২ আগষ্টত এই ঘোষণা কৰাৰ পিছতে এক আতংকময় পৰিৱেশৰ সৃষ্টি হয়। ইয়াৰ পিছতে গাঁওখনৰ প্ৰায় ৮০% বাসিন্দা ঘৰ এৰি যোৱাৰ লগতে নিজৰ ঘৰ ভাঙি সস্তা দামত সামগ্ৰী বিক্ৰী কৰিবলৈ বাধ্য হৈছে।
শান্তিপূৰ্ণভাৱে উচ্ছেদৰ বাবে আবেদন জনাই স্থানীয় গাঁওবুঢ়াই কয়, “বহু পৰিয়ালে নিজৰ সামগ্ৰী লৈ স্থানান্তৰিত হৈছে। আমি কোনো ধৰণৰ হিংসা বা সংঘৰ্ষ নিবিচাৰো। উল্লেখনীয়া যে প্ৰায় ৪০টা পৰিয়ালে গুৱাহাটী উচ্চ ন্যায়ালয়ৰ পৰা সাময়িক সময়সীমা বৃদ্ধিৰ বাবে অনুৰোধ জনাইছে। ইয়াৰ পৰা তেওঁলোকে কিছু ৰেহাই পাইছে যদিও আন পৰিয়ালৰ বাবে উচ্ছেদ প্ৰক্ৰিয়া পৰিকল্পনা অনুসৰিয়ে চলি থাকিব বুলি জানিব পৰা গৈছে। আাৰু আইনী পদ্ধতি অনুসৰি এই ব্যৱস্থা গ্ৰহণ কৰাৰ লগতে আগতীয়াকৈ অৱগত কৰা হৈছে বুলি জনাইছে আৰু প্ৰক্ৰিয়াটো মসৃণ কৰিবৰ বাবে নিৰাপত্তাৰ ব্যৱস্থা নিশ্চিত কৰিছে বুলি সদৰী কৰিছে জিলা বিষয়াসকলে।
ইফালে, এক সুকীয়া উচ্ছেদ অভিযানত দক্ষিণ নামবৰৰ ৰাজপুখুৰী আৰু গেলাজান অঞ্চলত ৩৯০টা ঘৰ ভাঙি পেলোৱাৰ ফলত দীৰ্ঘদিনীয়া স্থানীয় সম্পৰ্ক থকা নগা সম্প্ৰদায়ৰ সদস্যকে ধৰি শতাধিক লোক গৃহহীন হৈ পৰে।
