মুখ্যমন্ত্ৰী হিমন্ত বিশ্ব শৰ্মাই আগন্তুক বডোলেণ্ড টেৰিটৰিয়েল কাউন্সিলৰ নিৰ্বাচনত কংগ্ৰেছক অপ্রাসংগিক বুলি কয়। তেওঁ কয় যে প্ৰকৃত প্রতিদ্বন্দ্বিতা হ’ব বিপিএফ, ইউপিপিএল, আৰু বিজেপিৰ মাজত৷
চিৰাং জিলাৰ আনন্দবজাৰত এক সভাত ভাষণ দি শৰ্মাই কয়, ‘বিটিআৰত কংগ্ৰেছৰ কোনো স্থিতি নাই, ইয়াত যুঁজ বিপিএফ, ইউপিপিএল, আৰু বিজেপিৰ মাজত হ’ব।”
এই সভাতে তেওঁ ছয় জনগোষ্ঠীৰ জনজাতিকৰণ সন্দৰ্ভত প্ৰাক্তন মুখ্যমন্ত্ৰী তৰুণ গগৈৰ কথা উত্থাপন কৰে।
‘গগৈ চৰকাৰে আইনী সুৰক্ষা নিশ্চিত নকৰাকৈ এছ টিৰ মৰ্যাদা দিয়াৰ প্ৰস্তাৱ দিছিল। এয়া প্লেট নিদিয়াকৈ খাবলৈ ভাত আগবঢ়োৱাৰ দৰেই। কংগ্ৰেছৰ ভুলৰ আমি কিয় উত্তৰাধিকাৰী হ’ম? জনজাতিকৰণ সন্দৰ্ভত বিজেপিয়ে স্পষ্ট আৰু পৰিকল্পিত পন্থা লৈ আগবাঢ়িছে।’- তেওঁ কয়।
শৰ্মাই কয়, “গৌৰৱ গগৈৰ পিতৃৰ অতীতৰ ভুলৰ বাবে মই ক্ষমা খুজিব লাগেনে? ভুল কোনে কৰিলে সেয়া সকলোৱে জানে; সেয়েহে, জনসাধাৰণে আমাক দোষ নিদিয়ে, আৰু অসমৰ সকলো বিশৃংখলতাৰ সৃষ্টি কৰিছে কংগ্ৰেছ চৰকাৰে।”
