বিশ্ব সাহিত্যৰ অন্যতম সন্মানীয় বুকাৰ বঁটা কৰ্তৃপক্ষই শিশুৰ বাবে নতুন বঁটা মুকলি কৰাৰ সিদ্ধান্ত লৈছে। ইয়াৰ নাম ‘ চিলড্ৰেনছ বুকাৰ প্ৰাইজ’ (Children’s Booker Prize)। এই বঁটা বিজয়ী প্ৰথমবাৰৰ বাবে ঘোষণা কৰা হ’ব ২০২৭ চনৰ ফেব্ৰুৱাৰী মাহত।
এই নতুন বঁটাৰ আৰ্থিক মূল্য ৫০ হাজাৰ পাউণ্ড নিৰ্ধাৰণ কৰা হৈছে। যিটো ভাৰতীয় মুদ্ৰাত প্ৰায় ৫৮ লাখ ৪৮ হাজাৰ টকা।
এই বঁটাৰ এটা দিশ হ’ল শিশুসকলেই বিচাৰক হিচাপে দায়িত্ব পালন কৰিব। ইয়াৰে অন্যতম বিচাৰক হ’ব বৰ্তমানৰ যুক্তৰাজ্যৰ শিশু বঁটা বিজয়ী ফ্ৰেংক কট্ৰেল-বয়ছ। ইয়াৰে সৈতে শিশু পাঠকে অংশগ্ৰহণ কৰিব।
ফ্ৰেংক কট্ৰেল-বয়েছে কয় যে এই বঁটাৰ জৰিয়তে শিশুসকলে জানিব পাৰিব যে তেওঁলোক গুৰুত্বপূৰ্ণ, তেওঁলোকৰ কাহিনীসমূহ প্ৰাপ্তবয়স্কৰ দৰেই মূল্যৱান।
বুকাৰ কৰ্তৃপক্ষই কয় যে এই বঁটাৰ উদ্দেশ্য হৈছে শিশু সাহিত্যক অধিক মৰ্যাদাপূৰ্ণ স্থানত প্ৰতিষ্ঠা কৰা আৰু শিশুৰ পঢ়াৰ অভ্যাস বৃদ্ধি কৰা।
