মহাৰাষ্ট্ৰত ২০২৩ চনত সংঘটিত হোৱা হিংসাত্মক সংঘৰ্ষৰ সৈতে জড়িত আক্ৰমণৰ তদন্তৰ বাবে হিন্দু আৰু মুছলমান উভয় ধৰ্মৰ আৰক্ষীৰ বিষয়াৰে বিশেষ তদন্তকাৰী দল (SIT) গঠনৰ পূৰ্বৰ নিৰ্দেশত মঙলবাৰে উচ্চতম ন্যায়ালয়ে স্থগিতাদেশ জাৰি কৰিছে।
ছেপ্টেম্বৰ মাহত উচ্চতম ন্যায়ালয়ৰ দুজনীয়া বিচাৰপীঠে এই মিশ্ৰিত দলটোক ন্যায্য তদন্ত নিশ্চিত কৰিবলৈ নিৰ্দেশ দিছিল। এই গোচৰটোত সংঘৰ্ষত আহত হোৱা ১৭ বছৰীয়া কিশোৰ মহম্মদ আফজাল নামৰ এজন কিশোৰে গোচৰ ৰুজু কৰিছিল। কিশোৰজনে অভিযোগ কৰিছিল যে তেওঁ চাৰিজন লোকে মুছলমান বুলি ভাবি বিলাস গাইকৱাদক হত্যা কৰা প্ৰত্যক্ষ কৰিছিল।
২০২৩ চনৰ ১৩ মে’ৰ পৰা দ্য কেৰেলা ষ্ট’ৰী ছবিখনক লৈ সামাজিক মাধ্যমত দিয়া এটা পোষ্টৰ পৰাই এই সংঘাট আৰম্ভ হৈছিল। এই সংঘৰ্ষত এজন লোকৰ মৃত্যু হোৱাৰ লগতে আফজালকে ধৰি আঠজন লোক আহত হৈছিল।
আফজালে কয় যে আৰক্ষীয়ে প্ৰকৃত আক্ৰমণকাৰীৰ পৰিৱৰ্তে মুছলমানসকলক নিৰ্বিচাৰে লক্ষ্য কৰি লৈছিল।
সংঘৰ্ষৰ তদন্তৰ বাবে ধৰ্মৰ ভিত্তিত বিষয়া নিৰ্বাচন কৰি তদন্তকাৰী দল গঠনৰ নিৰ্দেশৰ বিৰোধিতা কৰি মহাৰাষ্ট্ৰ চৰকাৰে কয় যে এই নিৰ্দেশটোৱে ধৰ্মনিৰপেক্ষতাত আঘাট কৰিছে।
৭ নৱেম্বৰত ন্যায়ালয়ৰ দুজনীয়া বিচাৰপীঠে এই বিষয়ত পৃথক পৃথক সিদ্ধান্ত গ্ৰহণ কৰিছিল। এজন ন্যায়াধীশে এই পৰ্যালোচনাক সমৰ্থন কৰিছিল; আনজনে কৰা নাছিল। ইয়াৰ পিছতে এই গোচৰটো মুখ্য ন্যায়াধীশ ডি ৱাই চন্দ্ৰচূড়ৰ নেতৃত্বত তিনিজনীয়া বিচাৰপীঠলৈ যায় আৰু মঙলবাৰে পূৰ্বৰ আদেশত স্থগিতাদেশ জাৰি কৰে।
