অসমত আৰু ৮খন নতুন উপ-জিলা গঠন কৰা হ’ব। দেশৰ ৮০সংখ্যক স্বাধীনতা দিৱস উপলক্ষে ১৫ আগষ্টত মুখ্যমন্ত্ৰী হিমন্ত বিশ্ব শৰ্মাই এই ঘোষণা কৰে।
মুখ্যমন্ত্ৰীয়ে ঘোষণা কৰা নতুন উপ-জিলাসমূহ হৈছে কমলপুৰ, বৰহমপুৰ, ৰঙনদী, চিচিবৰগাঁও, চাবুৱা-লাহোৱাল, খুমটাই, কাটিগড়া আৰু বৰখলা।
এই নতুন প্ৰশাসনিক এলেকাসমূহ গঠনৰ মূল উদ্দেশ্য হৈছে স্থানীয় পৰ্যায়ত প্ৰশাসন অধিক শক্তিশালী কৰা আৰু সাধাৰণ লোকক চৰকাৰী সেৱা সহজে লাভ কৰাৰ সুবিধা দিয়া। নতুন উপ-জিলা গঠনৰ ফলত বিভিন্ন চৰকাৰী কাম-কাজৰ বাবে মানুহে দূৰলৈ যাবলগীয়া হোৱা সমস্যা কিছু পৰিমাণে কমিব বুলি আশা কৰা হৈছে।
ইয়াৰ লগতে চৰকাৰী আঁচনি আৰু বিভিন্ন উন্নয়নমূলক কাৰ্যসূচী অধিক দ্ৰুতভাৱে ৰূপায়ণ কৰাত নতুন উপ-জিলাসমূহে সহায় কৰিব বুলি চৰকাৰে আশা কৰিছে। স্থানীয় প্ৰশাসন অধিক সক্ৰিয় হোৱাৰ ফলত জনসাধাৰণৰ সমস্যা সোনকালে সমাধান কৰাৰ সুযোগো বৃদ্ধি পাব।
অসম চৰকাৰে ৰাজ্যৰ প্ৰশাসনিক ব্যৱস্থাক অধিক সহজ আৰু জনমুখী কৰাৰ লক্ষ্যৰে বিভিন্ন পৰিৱৰ্তন কৰি আহিছে। নতুন ৮খন উপ-জিলা গঠনো এই প্ৰশাসনিক পৰিৱৰ্তনৰ এক অংশ।
