• About
  • Copyright
  • Privacy Policy
  • Authors
  • Grievance Redressal
  • Contact
Sunday, November 22, 2026
NORTHEAST NOW (Assamese)
  • মুখ্যপৃষ্ঠা
  • নৰ্থ-ইষ্ট
    • অৰুণাচল
    • অসম
    • ছিকিম
    • ত্ৰিপুৰা
    • নাগালেণ্ড
    • মণিপুৰ
    • মিজোৰাম
    • মেঘালয়
  • দেশ
  • আন্ত: ৰাষ্ট্ৰীয়
  • অভিমত
  • ক্ৰীড়া
  • সাময়িকী
    • ৰাজনীতি
    • বাণিজ্য
    • শিক্ষা
  • জীৱনশৈলী
    • দিহা-ভৰসা
  • প্ৰাসংগিক প্ৰশ্ন
  • স্বাস্থ্য
  • অন্যান্য
    • ভাষা-সাহিত্য
    • সংস্কৃতি
    • মনোৰঞ্জন
    • প্ৰযুক্তি
    • বিজ্ঞান-প্ৰযুক্তি
No Result
View All Result
  • মুখ্যপৃষ্ঠা
  • নৰ্থ-ইষ্ট
    • অৰুণাচল
    • অসম
    • ছিকিম
    • ত্ৰিপুৰা
    • নাগালেণ্ড
    • মণিপুৰ
    • মিজোৰাম
    • মেঘালয়
  • দেশ
  • আন্ত: ৰাষ্ট্ৰীয়
  • অভিমত
  • ক্ৰীড়া
  • সাময়িকী
    • ৰাজনীতি
    • বাণিজ্য
    • শিক্ষা
  • জীৱনশৈলী
    • দিহা-ভৰসা
  • প্ৰাসংগিক প্ৰশ্ন
  • স্বাস্থ্য
  • অন্যান্য
    • ভাষা-সাহিত্য
    • সংস্কৃতি
    • মনোৰঞ্জন
    • প্ৰযুক্তি
    • বিজ্ঞান-প্ৰযুক্তি
No Result
View All Result
NORTHEAST NOW (Assamese)
No Result
View All Result
Home Popular Stories

কোনো জাননী নিদিয়াকৈয়ে বাতিল বিমান, টিকটৰ ধনো ঘূৰাই নাপায়! স্পাইচজেটৰ বিমান বাতিলক লৈ হাহাকাৰ যাত্ৰীৰ

একাধিক বিমানৰ উৰণ ব্যাহত হোৱাৰ পাছতো বিমান বাতিল, বিকল্প ব্যৱস্থা বা টিকটৰ ধন ঘূৰাই দিয়াৰ ক্ষেত্ৰত স্পাইচজেটৰ পৰা কোনো স্পষ্ট তথ্য নোপোৱাৰ অভিযোগ উত্থাপন কৰিছে যাত্ৰীসকলে। বিমান সংস্থাটোৰ ক্ৰমবৰ্ধমান পৰিচালনাগত সংকট আৰু বুকিং ব্যৱস্থাক লৈ নতুনকৈ প্ৰশ্ন উত্থাপন হোৱাৰ মাজতে অসামৰিক বিমান পৰিবহণ সঞ্চালকালয়ে সংস্থাটোক কাৰণ দৰ্শোৱাৰ জাননী জাৰি কৰিছে।

এন ই নাও নিউজ, গুৱাহাটী by এন ই নাও নিউজ, গুৱাহাটী
November 22, 2026 9:22 pm
2
VIEWS
Share on FacebookShare on WhatsAppShare on Twitter

ব্যক্তিগত বিমান সংস্থা স্পাইচজেটৰ ক্ৰমবৰ্ধমান পৰিচালনাগত সংকটৰ বাবে তীব্ৰ দুৰ্ভোগৰ সন্মুখীন হ’বলগীয়া হৈছে যাত্ৰীসকল। একাধিক বিমানৰ উৰণ বাতিল আৰু বিলম্ব হোৱাৰ পাছতো বিমান সংস্থাটোৰ পৰা কোনো আগতীয়া জাননী, বিকল্প ব্যৱস্থা অথবা টিকটৰ ধন ঘূৰাই পোৱাৰ স্পষ্ট তথ্য লাভ নকৰাত যাত্ৰীসকলে নিজাকৈয়ে বিমানৰ স্থিতি জানিবলগীয়া পৰিস্থিতিৰ সৃষ্টি হৈছে। বিমানবন্দৰত উপস্থিত হোৱাৰ পূৰ্বে যাত্ৰীসকলক পৰ্যাপ্ত তথ্য প্ৰদান কৰা হৈছে নে নাই, তাক লৈ এতিয়া স্পাইচজেটৰ বুকিং পদ্ধতি আৰু যাত্ৰীসেৱা তীব্ৰ সমালোচনাৰ সন্মুখীন হৈছে।

 

Apply Now

দীপাৱলী উপলক্ষে ঘৰলৈ যাবলৈ স্পাইচজেটৰ টিকট বুক কৰা মাৰ্কেটিং পেছাটোৰে জড়িত ছিমৰন জুনেজাই অভিযোগ কৰে যে তেওঁৰ বিমান বাতিল হোৱাৰ বিষয়ে সংস্থাটোৰ পৰা কোনো আনুষ্ঠানিক জাননী লাভ কৰা নাছিল। তেওঁ কয় যে বিমান সংস্থাটোৱে তেওঁক সম্পূৰ্ণ আন্ধাৰত ৰাখিছিল আৰু কোনো পৰৱৰ্তী যোগাযোগো কৰা নাছিল। জুনেজাই জানিব পাৰে যে তেওঁৰ পৰিচিত আন এগৰাকী ব্যক্তিয়েও বিমান বাতিল হোৱাৰ কথা নজনাকৈয়ে একেখন বিমানত উঠিবলৈ সাজু হৈ আছিল, যাৰ ফলত তেওঁ নিজেই সেই ব্যক্তিগৰাকীক অৱগত কৰিবলগীয়া হয়। গ্ৰাহক সেৱাৰ সৈতে যোগাযোগ কৰিবলৈ যাওঁতেও স্বয়ংক্ৰিয় ‘বট’ ব্যৱস্থাই কোনো সহায় নকৰা বুলি উল্লেখ কৰি তেওঁ কয় যে অনলাইনত বিমানৰ স্থিতি পৰীক্ষা কৰা ব্যৱস্থাটোও কাম কৰা নাছিল আৰু বাতিল হোৱা বিমানসমূহ তালিকাৰ পৰা আঁতৰাই দিয়া যেন অনুভৱ হৈছিল। অৱশেষত সংস্থাটোৰ ৱেবছাইটত নিজৰ বিমান নম্বৰটো পৃথককৈ অনুসন্ধান কৰিহে তেওঁ বিমান বাতিল হোৱাৰ কথা জানিব পাৰে। তৃতীয় পক্ষৰ অনলাইন ট্ৰেভেল প্লেটফৰ্মৰ কাষ চপাৰ পাছতহে তেওঁ টিকটৰ ধন ঘূৰাই পায় যদিও একে পৰিস্থিতিৰ সন্মুখীন হোৱা তেওঁৰ এগৰাকী বন্ধুৱে এতিয়াও ধন ঘূৰাই পোৱাৰ অপেক্ষাত আছে বুলি তেওঁ জানিবলৈ দিয়ে।

 

পৰিচালনাগত অনিশ্চয়তা আৰু নিষেধাজ্ঞা থকা পথসমূহতো টিকট বুকিং অব্যাহত ৰখাক লৈ নতুন প্ৰশ্নৰ উদয় হৈছে। ২২ নৱেম্বৰ দেওবাৰে স্পাইচজেটৰ অনলাইন বুকিং প্ৰক্ৰিয়া পৰ্যালোচনা কৰোঁতে দেখা যায় যে যাত্ৰীসকলে অহা ২৪ নৱেম্বৰৰ দিল্লী-ডুবাই আৰু দিল্লী-মুম্বাই বিমানৰ বাবে কোনো বিশেষ সতৰ্কবাণী নোহোৱাকৈয়ে ধন পৰিশোধৰ পৰ্যায়লৈকে বুকিং আগবঢ়াব পাৰিছে। উল্লেখযোগ্য যে গ্ৰাউণ্ড-হেণ্ডলিং সংস্থা ডানাটাৰ ১৪ নিযুত দিৰহাম অৰ্থাৎ প্ৰায় ৩৫.৮ কোটি টকা অনাদায় হৈ থকাৰ বাবে যোৱা ১২ নৱেম্বৰত ডুবাই এয়াৰপ’ৰ্টছে স্পাইচজেটৰ চেক-ইন সেৱা স্থগিত ৰাখিছিল। এই পদক্ষেপৰ ফলত ডুবাইৰ পৰা দিল্লী, মুম্বাই, জয়পুৰ আৰু অমৃতসৰ সংযোগী একাধিক বিমান বাতিল হোৱাৰ লগতে ভাৰতমুখী উৰণসমূহো ব্যাহত হৈছিল। এনে পৰিস্থিতিত কোনো স্পষ্ট সতৰ্কবাণী নোহোৱাকৈ টিকট বিক্ৰী কৰি থকা কাৰ্যই যাত্ৰীসকলক সেৱাৰ প্ৰকৃত স্থিতি সম্পৰ্কে কিদৰে অৱগত কৰা হৈছে, তাক লৈ সন্দেহৰ সৃষ্টি কৰিছে।

 

ক্ৰমাৎ বৃদ্ধি পোৱা এই অৱ্যৱস্থাৰ প্ৰতি লক্ষ্য ৰাখি অসামৰিক বিমান পৰিবহণ সঞ্চালকালয়ে যোৱা ১৭ নৱেম্বৰত স্পাইচজেটলৈ এখন কাৰণ দৰ্শোৱাৰ জাননী জাৰি কৰিছে। বিমান নিয়ন্ত্ৰক সংস্থাটোৱে একাধিক পৰিচালনাগত আৰু নিয়ামক নীতি উলংঘনৰ অভিযোগৰ ব্যাখ্যা বিচাৰি স্পাইচজেটক সাত দিনৰ সময়সীমা বান্ধি দিছে। এই জাননীখনত আঠটা মূল উদ্বেগজনক দিশ চিহ্নিত কৰা হৈছে, যাৰ ভিতৰত সময়মতে বিমান চলাচলৰ মান অৱনতি, বিমান বিলম্ব আৰু বাতিলৰ সংখ্যা বৃদ্ধি, অনুমোদিত সূচী অনুসৰি সেৱা চলাব নোৱাৰা আৰু সেৱা ব্যাহত হোৱাৰ সময়ত যাত্ৰীসকলক পৰ্যাপ্ত সুবিধা প্ৰদানত ব্যৰ্থতা অন্যতম। তদুপৰি সংস্থাটোৰ অধিকাংশ বিমান বৰ্তমান উৰণৰ পৰা বিৰত অৱস্থাত থকাৰ পাছতো সেইসমূহ বাণিজ্যিক সেৱালৈ ঘূৰাই অনাৰ কোনো বিশ্বাসযোগ্য পৰিকল্পনা দাখিল নকৰা, বিদেশী সেৱা প্ৰদানকাৰীক ধন পৰিশোধত বিলম্ব, বাধ্যতামূলক বীমা নবীকৰণক লৈ অনিশ্চয়তা আৰু বাৰে বাৰে সোঁৱৰাই দিয়াৰ পাছতো পূৰ্বৰ জৰিমনা আদায় নিদিয়াৰ দৰে বিষয়সমূহো ডিজিচিএ-য়ে উল্লেখ কৰিছে। ইয়াৰ উপৰি অনুসূচিত আন্তঃৰাষ্ট্ৰীয় উৰণৰ যোগ্যতা আৰু সৰু তথা দুৰ্গম চহৰসমূহক সংযোগ কৰা ৰুট ডিছপাৰ্চেল গাইডলাইনছ পালনৰ ক্ষেত্ৰতো প্ৰশ্ন উত্থাপন কৰা হৈছে। লক্ষণীয়ভাৱে, বৃহৎসংখ্যক বিমান বন্ধ হৈ থকাৰ ফলত যোৱা আগষ্ট মাহত ১.২ শতাংশ থকা স্পাইচজেটৰ ঘৰুৱা বজাৰৰ অংশীদাৰিত্ব চেপ্টেম্বৰ মাহত ০.৬ শতাংশলৈ অৱনমিত হৈছে।

 

পৰিচালনাগত এই গভীৰ সংকটৰ মাজতে নিজৰ আৰ্থিক স্থিতি সবল কৰাৰ চেষ্টা চলাইছে স্পাইচজেটে। যোৱা ১৮ নৱেম্বৰত সংস্থাটোৰ সঞ্চালক মণ্ডলীয়ে প্ৰয়োজনীয় অনুমোদন সাপেক্ষে বিভিন্ন বিত্তীয় মাধ্যমৰ জৰিয়তে ৫,৫০০ কোটি টকা পৰ্যন্ত পুঁজি সংগ্ৰহৰ এক প্ৰস্তাৱত অনুমোদন জনাইছে। সংস্থাটোৰ বিত্তীয় স্থিতি শক্তিশালী কৰা, বন্ধ হৈ থকা বিমানসমূহ পুনৰ সচল কৰা আৰু সেৱা সুস্থিৰ কৰাই এই পুঁজি সংগ্ৰহৰ লক্ষ্য। অৱশ্যে প্ৰস্তাৱত অনুমোদন জনোৱা মানেই এতিয়াই পুঁজি লাভ কৰাটো নুবুজায়। সেয়েহে বিত্তীয় পুনৰুজ্জীৱনৰ পৰিকল্পনাসমূহ বাস্তৱ ক্ষেত্ৰত সেৱাৰ মান উন্নয়নলৈ ৰূপান্তৰিত নোহোৱালৈকে স্পাইচজেটৰ সেৱাৰ বিশ্বাসযোগ্যতাক লৈ যাত্ৰীসকলৰ উদ্বেগ অব্যাহত থকাৰ সম্ভাৱনা আছে।

এন ই নাও নিউজ, গুৱাহাটী

এন ই নাও নিউজ, গুৱাহাটী

নৰ্থ-ইষ্ট নাও এটা মাল্টি-এপ ভিত্তিক সম্পূৰ্ণভাৱে আঞ্চলিক, দ্বিভাষিক নিউজ প’ৰ্টেল। পেচাদাৰী ব্যক্তিৰ এটা গোটৰ নেতৃত্বত এই ডিজিটেল অসমীয়া বাতৰি প্ৰতিষ্ঠানটোৱে উত্তৰ-পূবৰ আঠখন ৰাজ্য আৰু এইবোৰৰ প্ৰতিৱেশী দেশকেইখনৰ প্ৰতিটো খা-খবৰ সামৰি লোৱাৰ চেষ্টা কৰিব। দুটাকৈ ইংৰাজী এপ আৰু এটা অসমীয়া এপৰ সংস্কৰণ থকা এইটোৱে হ’ল এই ধৰণৰ প্ৰথমটো নিউজ প’ৰ্টেল। আমি ৰাজনৈতিকভাৱে নিৰপেক্ষ আৰু দক্ষিণ-পূব আৰু দক্ষিণ এছিয়াৰ মাজৰ প্ৰকৃত বা-বাতৰিৰ সাঁকোৰ ভূমিকা ল’বলৈ চেষ্টা কৰিম।

Get the latest Assamese news from Assam and NorthEast India. নৰ্থ-ইষ্ট নাও এটা মাল্টি-এপ ভিত্তিক সম্পূৰ্ণভাৱে আঞ্চলিক, দ্বিভাষিক নিউজ প’ৰ্টেল। পেচাদাৰী ব্যক্তিৰ এটা গোটৰ নেতৃত্বত এই ডিজিটেল অসমীয়া বাতৰি প্ৰতিষ্ঠানটোৱে উত্তৰ-পূবৰ আঠখন ৰাজ্য আৰু এইবোৰৰ প্ৰতিৱেশী দেশকেইখনৰ প্ৰতিটো খা-খবৰ সামৰি লোৱাৰ চেষ্টা কৰিব। দুটাকৈ ইংৰাজী এপ আৰু এটা অসমীয়া এপৰ সংস্কৰণ থকা এইটোৱে হ’ল এই ধৰণৰ প্ৰথমটো নিউজ প’ৰ্টেল। আমি ৰাজনৈতিকভাৱে নিৰপেক্ষ আৰু দক্ষিণ-পূব আৰু দক্ষিণ এছিয়াৰ মাজৰ প্ৰকৃত বা-বাতৰিৰ সাঁকোৰ ভূমিকা ল’বলৈ চেষ্টা কৰিম।

Follow Us

Our Properties

  • ⚪ NORTHEAST NOW
  • ⚪ NORTHEAST JOBS
  • ⚪ NORTHEAST TENDERS

Recent News

কোনো জাননী নিদিয়াকৈয়ে বাতিল বিমান, টিকটৰ ধনো ঘূৰাই নাপায়! স্পাইচজেটৰ বিমান বাতিলক লৈ হাহাকাৰ যাত্ৰীৰ

কোনো জাননী নিদিয়াকৈয়ে বাতিল বিমান, টিকটৰ ধনো ঘূৰাই নাপায়! স্পাইচজেটৰ বিমান বাতিলক লৈ হাহাকাৰ যাত্ৰীৰ

November 22, 2026 9:22 pm
এছিয়ান উন্নয়ন বেংকৰ ৭১.৯ নিযুত ডলাৰৰ ঋণেৰে অসম চৰকাৰৰ ‘ছুইফ্ট’ প্ৰকল্প মুকলি: পুনৰুদ্ধাৰ কৰা হ’ব কমেও ১০২খন বিল

এছিয়ান উন্নয়ন বেংকৰ ৭১.৯ নিযুত ডলাৰৰ ঋণেৰে অসম চৰকাৰৰ ‘ছুইফ্ট’ প্ৰকল্প মুকলি: পুনৰুদ্ধাৰ কৰা হ’ব কমেও ১০২খন বিল

November 22, 2026 7:56 pm
  • About
  • Copyright
  • Privacy Policy
  • Authors
  • Grievance Redressal
  • Contact

© 2025 - Maintained by EZEN Software & Technology Pvt. Ltd

No Result
View All Result
  • মুখ্যপৃষ্ঠা
  • নৰ্থ-ইষ্ট
    • অৰুণাচল
    • অসম
    • ছিকিম
    • ত্ৰিপুৰা
    • নাগালেণ্ড
    • মণিপুৰ
    • মিজোৰাম
    • মেঘালয়
  • দেশ
  • আন্ত: ৰাষ্ট্ৰীয়
  • অভিমত
  • ক্ৰীড়া
  • সাময়িকী
    • ৰাজনীতি
    • বাণিজ্য
    • শিক্ষা
  • জীৱনশৈলী
    • দিহা-ভৰসা
  • প্ৰাসংগিক প্ৰশ্ন
  • স্বাস্থ্য
  • অন্যান্য
    • ভাষা-সাহিত্য
    • সংস্কৃতি
    • মনোৰঞ্জন
    • প্ৰযুক্তি
    • বিজ্ঞান-প্ৰযুক্তি

© 2025 - Maintained by EZEN Software & Technology Pvt. Ltd