১৪জনীয়া সদস্যৰে গঠিত ছিংলুং পাৰ্বত্য পৰিষদৰ অন্তৰ্ৱৰ্তী চৰকাৰখনক আজি আইজলৰ উপায়ুক্ত এমুথাম্মাই আনুষ্ঠানিকভাৱে দায়িত্বভাৰ অৰ্পণ কৰিছে।
এই অন্তৰ্ৱৰ্তী ছিংলু পাৰ্বত্য পৰিষদ হৈছে ২০১৮ৰ ২ এপ্ৰিলত ৰাজ্য চৰকাৰ আৰু মাৰ জনতাৰ (গণতান্ত্ৰিক)সন্মিলনৰ (Hmar People’s Convention (Democratic) মাজৰ চুক্তিৰ ফল।
মাৰ জনতাৰ (গণতান্ত্ৰিক)সন্মিলনৰ মুখপাত্ৰ লালথালিয়েনক নতুন পৰিষদখনৰ মুখ্য কাৰ্যবাহী সদস্য হিচাপে দায়িত্বভাৰ অৰ্পম কৰা হৈছে।
মাৰ জনতাৰ (গণতান্ত্ৰিক)সন্মিলনৰ অধ্যক্ষ এল টি মাৰক শান্তি আলোচনা চলি থকা সময়তে পৰিষদৰ অধ্যক্ষ হিচাপে দায়িত্বভাৰ অৰ্পণ কৰা হয়। লালবেইকনুঙক তেওঁৰ সহকাৰী হিচাপে নিয়োগ কৰা হৈছে।
চুক্তি অনুসৰি, পৰিষদখনত ১৪গৰাকী সদস্য থাকিব আৰু ইয়াৰে ১২গাকীক অভাৰগ্ৰাউণ্ড মাৰ জনতাৰ (গণতান্ত্ৰিক)সন্মিলনে মনোনীত কৰিব আৰু বাকী দুগৰাকীক ৰাজ্য চৰকাৰে মনোনীত কৰিব।
নতুনকৈ দায়িত্বভাৰ লাভ কৰা পৰিষদখনৰ হাতত ইয়াৰ অধিকাৰৰ ভিতৰুৱা এলেকাসমূহত পৰিকল্পনা, আঁচনি, বাজেট, নিয়ম আদি যুগুত কৰাৰ উপৰিও শুল্ক আৰোপ আৰু সংগ্ৰহৰ কাৰ্যকৰী ক্ষমতা থাকিব। পৰিষদৰ অন্তৰ্গত এলেকাখিনি ১২টা সমষ্টিত ভাগ কৰা হ’ব আৰু পৰিষদখনে ৰাজ্য চৰকাৰৰ পৰা প্ৰত্যক্ষ পুঋজি লাভ কৰিব।
চাৰিগৰাকী পৰিষদৰ সদস্য ডাৰলেইনছাং ৰালছুন, জে চি ঝাইৰেমকুংগা, লাথামুৱানা মাৰ আৰু মেল’ডী লালচ্চুৱাংঝেলিকো পৰিষদৰ কাৰ্যবাহী সদস্য হিচাপে দায়িত্বভাৰ অৰ্পণ কৰা হয়।তাৰোপৰি,ৰ’হিংগা মাৰ, লালৰিংছাংগা ৰালতে, বেঞ্জামিন বি লালথাচ্চুংগা, লালমালছাওমা ডাৰ্নগাওন আৰু লালৰামুৱাপুইয়াকো কাৰ্যভাৰ অৰ্পণ কৰা হয়।
