উত্তৰ গাৰো পাহাৰ জিলাৰ মাণিকগঞ্জ গাঁৱত যোৱা মাহত বিদ্যুৎস্পৃষ্ট হৈ ৫জনকৈ শ্ৰমিকৰ মৃত্যু হোৱাৰ আচল কাৰণটো উদ্ঘাটন কৰিবলৈ মেঘালয় মানৱাধিকাৰ আয়োগে এখন উচ্চস্তৰীয় তদন্ত কমিটী এখন গঠন কৰাৰ নিৰ্দেশ দিছে। উল্লেখ্য যে মেঘালয় বিদ্যুৎ বিভাগৰ অমনোযোগিতাৰ বাবে শ্ৰমিক ৫ জনৰ মৃত্যু হোৱা বুলি অভিযোগ উত্থাপিত হৈছে।
মেঘালয় মানৱাধিকাৰ আয়োগে শ্ৰমিক ৫ জনৰ মৃত্যুৰ ঘটনাটোৰ ওপৰত এটা নিজাববীয়া গোচৰ ৰুজু কৰিছে।আয়োগে ৰাজ্যৰ মুখ্য সচিবক এটা তদন্ত সম্পন্ন কৰি ৪৫ দিনৰ ভিতৰত ইয়াৰ প্ৰতিৱেদন জমা দিবলৈ নিৰ্দেশ দিছে।
আজি মেঘালয় মানৱাধিকাৰ আয়োগৰ তৰফৰ পৰা প্ৰকাশিত এটা বিজ্ঞপ্তিত কোৱা হৈছে যে গোচৰটোৰ তথ্য আৰু পৰিস্থিতিসমূহ আগত ৰাখি ৰাজ্যিক মানৱাধিকাৰ আয়োগে দৃঢ়ভাৱে বিশ্বাস কৰে যে এখন উচ্চস্তৰীয় তদন্ত কমিটী এখন গঠন কৰি তদন্ত কৰিলেহে ঘটনাৰ সত্যাসত্য জানিব পৰা যাব। এই দুৰ্ভাগ্যজনক ঘটনাৰ বাবে দায়ী সংশ্লিষ্ট বিভাগটোৰ লগতে এই ঘটনাৰ বাবে দোষী বিভাগীয় কৰ্মচাৰী আৰু বিষয়াসকলক এই দুৰ্ভাগ্যজনক ঘটনাৰ দায়িত্ব গ্ৰহণ কৰাবলৈ আয়োগে প্ৰচেষ্টা কৰিব।
