প্ৰধান মন্ত্ৰী নৰেন্দ্ৰ মোডীয়ে বাংলাদেশৰ প্ৰধান মন্ত্ৰী শ্বেইখ হাছিনাক আশ্বাস দিছে যে অসমৰ কাষ্ট্ৰীয় নাগৰিক পঞ্জীয়ে বাংলাদেশলৈ কোনো বিৰূপ প্ৰভাৱ কঢ়িয়াই নানে।
প্ৰধান মন্ত্ৰী মোডীৰ সৈতে থকা বিষয়াসকলে নৰ্থ-ইষ্ট নাওক কৈছে যে বৃহস্পতিবাৰে কাঠমাণ্ডুত বংগোপসাগৰীয় বহু খণ্ডভিত্তিক প্ৰযুক্তি আৰু অৰ্থনৈতিক সহযোগিতা উদ্যোগৰ (BIMSTEC) শীৰ্ষ সন্মিলনৰ একাষৰীয়াকৈ দুয়োগৰাকী নেতাৰ মাজত হোৱা পোনপতীয়া আলোচনাত মোদীয়ে এই আশ্বাস প্ৰদান কৰে।
নেপালৰ ৰাজধানীত অনুষ্ঠিত দুদিনীয়া ‘বংগোপসাগৰীয় বহু খণ্ডভিত্তিক প্ৰযুক্তি আৰু অৰ্থনৈতিক সহযোগিতা উদ্যোগ’ৰ শীৰ্ষ সন্মিলনৰ শুকুৰবাৰে সামৰণি পৰে।
বিষয়াসকলে কৈছে যে মোডীৰ আশ্বাসত অস্পষ্টতা নাছিল।
স্পষ্টভাৱে নকলেও এই কথাই ইয়াকেই প্ৰতিপন্ন কৰে যে এনআৰচিত অন্তৰ্ভুক্ত নোহোৱা কোনো ব্যক্তিকেই বাংলাদেশলৈ ঘূৰাই পঠোৱা নহয়।
উল্লেখ্য যে তিস্তাৰ জল বিনিময় চুক্তিত এটা চূড়ান্ত সিদ্ধান্তত উপনীত হোৱাৰ ব্যৰ্থতাই হাছিনাক যথেষ্ট পেলাইছে আৰু বাংলাদেশৰ আগন্তুক নিৰ্বাচনৰ সময়ত এতিয়া অসমৰ ৰাষ্ট্ৰীয় নাগৰিক পঞ্জীৰ সাম্ভব্য বিৰূপ প্ৰভাৱে তেওঁৰ অস্বস্তি আৰু বৃদ্ধি কৰিছে।
ঢাকাত নিয়োজিত ভাৰতৰ উচ্চায়ুক্ত এইচ্চ ভি শৃংলাই ইতিমধ্যে বালাদেশৰ বিদেশ মন্ত্ৰী এ এইচ্চ মহম্মদ আলী আৰু আৱামী লীগৰ শীৰ্ষ নেতাসকলক আশ্বাস দিছে যে এনআৰচি হৈছে ভাৰতৰ আভ্যন্তৰীণ বিষয় আৰু ই বাংলাদেশক কোনোভাৱে প্ৰভাৱিত নকৰে।
মোডীৰ আশ্বাসে ভাৰত-বাংলাদেশ দ্বিপাক্ষিক সম্পৰ্কৰ প্ৰতি অহা চাপ এৰাই চলাৰ এটা প্ৰয়োজনীয় পদক্ষেপ হিচাপে পৰিগণিত হৈছে। দুয়ো দেশৰ মাজৰ অগতাগতিক বন্ধুত্বৰ সম্পৰ্ক গঢ়ি উঠাৰ ফলত বাংলাদেশত থকা হাছিনাৰ নেতৃত্বাধীন বাংলাদেশ চৰকাৰে ভাৰতৰ বাবে মূৰৰ কামোৰণি হৈ পৰা উত্তৰ-পূৰ্বাঞ্চলৰ উগ্ৰপন্থীৰ ঘাটী আৰু শিবিৰসমূহ উৎখাট কৰাৰ বাবে অভিযান তীব্ৰতৰ কৰি তুলিছে।
কাঠমাণ্ডু আলোচনাত মোডীয়ে হাছিনাক ৰহিঙীয়া সমস্যাৰ ওপৰত সম্পূৰ্ণ সমৰ্থন কৰাৰ আশ্বাস প্ৰদান কৰিছে।
উল্লেখ্য যে ম্যানমাৰে বাংলাদেশত আশ্ৰয় লৈ থকা ১০ লাখ ৰহিঙীয়াক ঘূৰাই লোৱাৰ বাবে ভাৰত চৰকাৰে হেঁচা দি আছে। বিনিময়ত ভাৰতে ম্যানমাৰলৈ উভতি যোৱা সকলৰ বাসগৃহসমূহ পুনৰ নিৰ্মাণৰ ক্ষেত্ৰত সহায়তা কৰা আশ্বাস দিছে।
