বৃহৎ নদীবান্ধৰ বিৰুদ্ধে আক্ৰমণাত্মক ভূমিকা গ্ৰহণ কৰি অহা কৃষক মুক্তি সংগ্ৰাম সমিতিয়ে আজি ৰাজ্যজুৰি প্ৰতিবাদী কাৰ্যসূচী ৰূপায়ণ কৰি বৃহৎ নদীবান্ধৰ নিৰ্মাণ কাৰ্য বন্ধ ৰখাৰ বাবে চৰকাৰক সকীয়াই দিয়ে।
ইয়াৰ অংশ হিচাপে ৰাজ্যৰ অন্যান্য প্ৰান্তৰ লগতে নগাঁৱতো আজি সংগঠনটোৱে নদীবান্ধৰ বিৰোধিতাৰে অৱস্থান ধৰ্মঘট কাৰ্যসূচী ৰূপায়ণ কৰে।
নগাঁও জিলা উপায়ুক্তৰ কাৰ্যালয়ৰ সমীপত ৰূপায়িত হোৱা এই প্ৰতিবাদী কাৰ্যসূচীৰ জৰিয়তে কৃষক মুক্তি সংগ্ৰাম সমিতিয়ে প্ৰস্তাৱিত আৰু নিৰ্মীয়মাণ সকলো বৃহৎ নদীবান্ধ প্ৰকল্প বন্ধ কৰা আৰু অসমৰ বানপানী আৰু গৰাখহনীয়াৰ সমস্যাক ৰাষ্ট্ৰীয় সমস্যা হিচাপে ঘোষণা কৰিবলৈ চৰকাৰক দাবী জনায়।
প্ৰতিবাদী কাৰ্যসূচীটোত সমবেত হোৱা কৃষক মুক্তিৰ সদস্য সকলে চৰকাৰ বিৰোধী শ্ল’গান প্ৰদান কৰি পৰিৱেশ উত্তাল কৰি তোলে।
