শিক্ষক দিৱসত উপলক্ষে বুধবাৰে বোকাখাত ব্লক কংগ্ৰেছ সমিতিয়ে সমষ্টিৰ ৩টা জিলা পৰিষদ এলেকাৰ অৱসৰপ্রাপ্ত ১০ গৰাকী শিক্ষক-শিক্ষয়িত্ৰীৰ বাসগৃহত গৈ সম্বৰ্ধনা জনায়৷
সম্বৰ্ধনা জনোৱা অৱসৰপ্ৰাপ্ত শিক্ষকসকল হ’ল জে.ডি.এচ.জি. মহাবিদ্যালয়ৰ অধ্যক্ষ বাবুলাল মোৰ, বোকাখাত উচ্চতৰ মাধ্যমিক বিদ্যালয়ৰ অধ্যক্ষ ৰাতুল ৰাজখোৱা, কুৰুৱাবাহী উচ্চতৰ মাধ্যমিক বিদ্যালয়ৰ অধ্যক্ষ বিশ্বেশ্বৰ দাস, নুমলীগড় উচ্চ মাধ্যমিক বিদ্যালয়ৰ প্রধান শিক্ষক পদ্মধৰ কছাৰী, ৰজাবাৰী উচ্চ ইংৰাজী বিদ্যালয়ৰ শিক্ষয়িত্ৰী পদুমী গাজলু, ৰজাবাৰী মধ্য ইংৰাজী বিদ্যালয়ৰ প্রধান শিক্ষক টংকেশ্বৰ হাজৰিকা, জে.ডি.এচ.জি. মহাবিদ্যালয়ৰ বাণিজ্য শাখাৰ প্ৰবক্তা গোবিন দলে, সাপজুৰি নেহৰু প্রাথমিক বিদ্যালয়ৰ প্রধান শিক্ষক প্রফুল্ল হাজৰিকা, ডিফলু বাগান প্রাথমিক বিদ্যালয়ৰ প্রধান শিক্ষক মজিদুৰ ৰহমান আৰু কুৰুৱাবাহী সত্ৰ প্রাথমিক বিদ্যালয়ৰ প্রধান শিক্ষক কনকেশ্বৰ গগৈ।
শিক্ষকসকলক ব্লক কংগ্ৰেছে গুৰু প্ৰণাম জনোৱাৰ লগতে এখন ফুলাম গামোচা আৰু মানপত্ৰৰে সম্বর্ধনা জনায়।
কাৰ্য্যসূচীটোত ব্লক কংগ্ৰেছৰ সভাপতি ধৰ্মেশ্বৰ কুৰ্মী, সম্পাদক দাদু টায়ে, সদস্য প্রদীপ নাথ, গোলাঘাট জিলা কংগ্রেছৰ উপ সভাপতি মুনীন্দ্ৰনাথ শৰ্মা, জিলা মহিলা কংগ্ৰেছৰ সভানেত্রী মিনতি দলে, ব্লক মহিলা কংগ্রেছৰ সভানেত্রী মামনি বৰা, ব্লক কংগ্ৰেছৰ উপ-সভাপতি বিপুল দাস, প্রশাসনিক সাধাৰণ সম্পাদক বিমল দলে, সাধাৰণ সম্পাদক ক্রমে লক্ষ্মী প্রসাদ শইকীয়া, ভাস্কৰ কালিন্দী, জিতু শইকীয়াৰ লগতে তপন বৰা উপস্থিত থাকে।
