দক্ষিণ আফ্ৰিকাৰ ডাৰবান চহৰত অহা ২৯ নৱেম্বৰৰ পৰা ২ ডিচেম্বৰলৈ অনুষ্ঠিত হ’বলগীয়া নৱম সংখ্যক কমনৱেলথ কাৰাটে প্ৰতিযোগিতাৰ বাবে ভাৰতীয় দলত বৰপেটা চহৰৰ নিশাদ আলীসহ অসমৰ আঠ গৰাকী খেলুৱৈয়ে স্থান লাভ কৰিছে।
ভাৰতীয় দলত এইদৰে অসমৰ আঠ গৰাকী খেলুৱৈয়ে স্থান লাভ কৰাত কাৰাটে সন্থাৰ বিষয়ববীয়াৰ লগতে ক্ৰীড়া প্ৰেমী ৰাইজ উৎফুল্লিত হৈ পৰিছে।
ভাৰতীয় দলত স্থান লাভ কৰা আঠ গৰাকী খেলুৱৈ হ’ল ক্ৰমে হেমথু বংজাং,মৃণ্ময় দেওঘৰীয়া, মুগ্ধা বৰুৱা, পঞ্চিমিতা বৰদলৈ, গীতগুঞ্জন দাস, আকাংক্ষা কোঁৱৰ, ইমন গগৈ আৰু নিশাদ আলী ৷
ইয়াৰে ইমন গগৈ আৰু নিশাদ আলীয়ে ২০১৮ বৰ্ষত জাপানত অনুষ্ঠিত জুনিয়ৰ এছিয়ান কাৰাটে প্ৰতিযোগিতাত ভাৰতীয় দলক প্ৰতিনিধিত্ব কৰাৰ লগতে হেমথু বংজাঙে ক্ৰোৱেছিয়াত অনুষ্ঠিত বিশ্ব যুৱ কাৰাটেত ভাৰতীয় দলক প্ৰতিনিধিত্ব কৰি ৰূপৰ পদক অৰ্জন কৰিছিল ৷
ভাৰতীয় দলটো অহা ২৭ নৱেম্বৰত নতুন দিল্লীৰ পৰা দক্ষিণ আফ্ৰিকালৈ ৰাওনা হ’ব বুলি অসম কাৰাটে সন্থাৰ বিষয়ববীয়াই “নৰ্থ ইষ্ট নাও”ৰ এই প্ৰতিবেদকক জানিবলৈ দিছে ৷
