শিলচৰ সদৰ থানাত প্ৰাক্তন আলফা ঐক্য মঞ্চই এজাহাৰ দাখিল কৰাৰ পাছত এইবাৰ সৰ্বভাৰতী মহিলা কংগ্ৰেছৰ সভানেত্ৰী সাংসদ সুস্মিতা দেবে প্ৰাক্তন আলফা ঐক্য মঞ্চক উভতি ধৰিছে। সংগঠনটোৰ বৰাক উপত্যকা মাণ্ডিল কমিটীৰ সাধাৰণ সম্পাদক আনামূল হক লস্কৰে সাংসদগৰাকীৰ বিৰুদ্ধে সদৰ থানাত গোচৰ তৰিছিল।
মঙলবাৰে জানিগঞ্জ কালীপূজা উদ্বোধন কৰিবলৈ আহি নৰ্থ ইষ্ট নাওৰ সৈতে হোৱা এটা সাক্ষাৎকাৰত কৈছে, ‘মাত্ৰ দুদিন পূৰ্বে দিল্লীত সাংবাদিকৰ আগত বক্তব্য ৰাখিছোঁ যে অসমৰ সাম্প্ৰতিক পৰিস্থিতি সম্পৰ্কত প্ৰৰোচনামূলক মন্তব্য দিয়া অনুচিত। মই এই সকলোবোৰৰে বিৰোধী। মই আনকি হিংসাৰো বিৰোধী। যদি কোনোৱাই মোৰ বিৰুদ্ধে এজাহাৰ দাখিল কৰিছে মই ভাৱোঁ এয়া এটা উদ্ভত কথা। মোৰ বিৰুদ্ধে এজাহাৰ দিয়া সকল উগ্ৰপন্থী সংগঠনৰ সদস্য আৰু তেওঁলোকে জনসাধাৰণৰ দ্বাৰা নিৰ্বাচিত প্ৰতিনিধি এগৰাকীৰ বিৰুদ্ধে প্ৰৰোচনামূলক মন্তব্য দিয়াৰ অভিযোগ তুলি এজাহাৰ দিছে। দেশত আইন-কানুন আছে আৰু আইনে নিজৰ পথেৰে গতি কৰিব। মই এই বিষয়ে মূৰ ঘমোৱা নাই।’’
অসমত সাম্প্ৰতিক পৰিস্থিৰ ওপৰত সোঁধা এটা প্ৰশ্নৰ উত্তৰত সাংসদগৰাকীয়ে কৈছে, ‘‘পৰিস্থিতি বেয়া নহয়, কিন্তু পৰিস্থিতি অতি শোচনীয় হৈ পৰিব পাৰে। একাংশ নিৰস্ত্ৰ লোকক এচাম উগ্ৰপন্থীয়ে হত্যা কৰিলে, এয়া কোনো কৰিলে তাক কোনেও নাজানে এটা অসমৰ আইন-কানুনগত পৰিস্থিতিৰ শুভ লক্ষণ নহয়। আৰু তাতোকৈ বেয়া কথা হৈছে এটা সম্প্ৰদায়ৰ লোকক হত্যা কৰাটো। মই ভাৱোঁ অসমৰ মুখ্য মন্ত্ৰী তথা গৃহ মন্ত্ৰীক যে চোৰাংচোৱা বিভাগে সঠিক তথ্য যোগানত সম্পূৰ্ণ ব্যৰ্থ হৈছে আৰু সমগ্ৰ ঘটনাটোৰে অতিমাত্ৰা ৰাজনীতিকৰণ কৰা হৈছে।
এইবাৰী শীতকালীন অধিৱেশনত সংসদত উত্থাপিত হ’বলৈ আগবঢ়া বিতৰ্কিত নাগৰিকত্ব বিধেয়কৰ ওপৰত বক্তব্য ৰাখি নৰ্থ ইষ্ট নাওৰ আগত শিলচৰৰ সাংসদ তথা যুটীয়া সংসদীয় কমিটীৰ সদস্য সুস্মিতা দেবে এইবুলি প্ৰকাশ কৰিছে, ‘‘প্ৰথমতে তেওঁলোকে ২৩ অক্টোবৰত জাননী জাৰী কৰিছে, আৰু তেওঁলোকে বিভিন্ন ৰাজ্যৰ পৰা আৱেদনপত্ৰ আহ্বান কৰিছে গতিকে যুটীয়া সংসদীয় কমিটীয়ে কি কৰি আছে তাৰ ওপৰত স্বাভাৱিকতেইএটা প্ৰশ্নৰ উদয় হয়। তেওঁলোকে অসমক বাদ দিছে। মই ভাৱোঁ যে কেন্দ্ৰীয় চৰকাৰে এটা সিদ্ধান্ত গ্ৰহণ কৰিছে আৰু ইয়াত যুটীয়া সংসদীয় কমিটীৰ গুৰুত্ব উপেক্ষা কৰিছে। মোৰ অনুভৱ কেন্দ্ৰই সকলোকে মূৰ্খ বনাইছে।’’
