অসমীয়া সাহিত্য জগতত নতুন সংযোজন ঘটাই আন্তঃৰাষ্ট্ৰীয় নাৰী দিৱসৰ দিনা উন্মোচন কৰা হয় কোকৰাঝাৰ বিজ্ঞান মহাবিদ্যালয়ৰ প্ৰবক্তা ড০ মহেশ গগৈৰ ৰচিত ‘চাকচন এ কঁঠাল গছত নপৰিবি’ নামৰ গ্ৰন্থখন। গ্ৰন্থখন উন্মোচন কৰি উন্মোচক ৰহিলা ব্ৰহ্মই কয় যে গগৈৰ ৰচনাই পাঠক সমাজক অসমীয়া সাহিত্যৰ নতুন ধৰণৰ সোৱাদ দিবলৈ সক্ষম হ’ব।
উল্লেখযোগ্য, আন্তঃৰাষ্ট্ৰীয় নাৰী দিৱশৰ লগত সংগতি ৰাখি গ্ৰন্থখন উন্মোচন কৰা হয়। কোকৰাঝাৰ জিলা মহিলা সমিতিয়ে দিনজোৰা কাৰ্য্যসূচীৰে জিলাখনত আন্তঃৰাষ্ট্ৰীয় নাৰী দিৱস উদযাপন কৰে। মহিলা সমিতিৰ সভাপতি হৰিনি ব্ৰহ্মই বন্তিপ্ৰজ্বলনেৰে শুভাৰম্ভনি কৰা অনুষ্ঠানত স্থানীয় ৰাইজৰ উপৰিও কেইবাগৰাকীও বিশিষ্ট ব্যক্তি উপস্থিত থাকে।
নাৰী দিৱসত অংশলৈ নতুনকৈ প্ৰকাশহোৱা গ্ৰন্থখনৰ লেখক মহেশ গগৈয়ে অসমীয়া সমাজত বড়ো মহিলাৰ স্থান আৰু মৰ্য্যদাৰ ওপৰত আলোকপাত কৰে। সমগ্ৰ ভাৰতৰ লগতে বড়ো মহিলা সকলেও সমাজত স্বাভিমানেৰে জীয়াই থাকিব বিচাৰে আৰু এই ক্ষেত্ৰত শিক্ষাৰ প্ৰসাৰ আৰু প্ৰচাৰৰ ক্ষেত্ৰত নাৰী-পুৰুষ উভয়ে সংঘবদ্ধহৈ আগবাঢ়িব লাগিব বুলি কোকৰাঝাৰ জিলা মহিলা সমিতিৰ সভানেত্ৰী হৰিনি ব্ৰহ্মই মন্তব্য কৰে।
